Без 27 нче ноябрь көнне Габдулла Тукай исемендәге  үзәк китапханәсенә  “Яшь язучылар белән очрашуга” җыелган идек. Анда безне Фәтхулла Абдуллаевич Абдуллин – “Кама таңнары” әдәби берләшмәсе  җитәкчесе, Татарстан язучылар берлеге әгъзасы каршы алды.  Фәтхулла абый безгә шигырь, хикәяләр язу серләрен өйрәтте. Бер үк әйберне төрле күзлектән чыгып язарга мөмкин булуы турында сөйләде. Сюжет төзелешен аңлатты. Гомумән, без бу очрашудан канатланып,хикәяләр язарга теләп кайттык. Әле Фәтхулла абыйның чыккан китапларын да алып укыйсы бар. Аннан үрнәк алып, хикәяләр шигырьләр язасыбыз килә. Бу очрашулар ай саен булачак. Кемнәр язарга тели, бу очрашуларга  килә, яңалыклар туплый ала. Разил Вәлиев исемендәге конкурска әзерләнә башлый ала!