Әйе, зурлар-өлге билгесе ул. Апа-абыйлардан,әби-бабайлардан,әти-әниләрдән үрнәк алып яшибез без.Алар ничек киенсә,шулай киенәбез.Алар үз-үзләрен өйдә,урамда ничек тотуларын  күзәтеп,без-балалар да шул үрнәккә иярәбез. Аларның кеше белән ничек сөйләшүләренә дә игътибар итәбез.Гомумән,зурлар балалар өчен  һәрвакыт,һәркайда өлге булып торалар.

Татар була торып та өйдә,урамда татарча сөйләшмәүчеләр дә бар. Без-зурлар татарча сөйләшеп күрсәтмәсәк,аралашмасак –тел үләчәк.Телсез кеше-илсез кеше диләр.

Шәһәрләрдә “Мин татарча сөйләшәм исемле акция бара. Бу чарада укучылар да,өлкәннәр дә бик теләп катнашалар. Укучылар урамнарга чыгып, кибетләргә кереп, китапханәләргә барып татарча аралашып йөрделәр. Өлкәннәр дә аларга үрнәк күрсәттеләр. Төзүчеләр урамында урнашкан теш шифаханәсенең  түләүле  бүлегендә эшләүче теш табиблары да  “Мин татарча сөйләшәм” акциясеннән читтә калмадылар. (Алар ел саен уздырыла торган  Г.Тукайның шигырьләр конкурсында да катнашып киләләр.) Биш минутлык ял вакытында да татар мәкальләрен искә төшереп алырга вакыт таптылар. Мәкальнең башы язылган карточкалар таратылды, мәкальнең азагын теш табиблары үзләре әйтеп бетерделәр. Матур, тыныч, тату яшәүче һәм эшләүче  бу хезмәткәрләр  рәхәтләнеп татарча сөйләшәләр, аралашалар! Артып калган логотипларны, мәкальләрне “Оныгыма кирәк булыр бу!”,-дип алып та кайтып китттеләр. Менә бу балаларга үрнәк булырдай кешеләр!