15 нче декабрьдә “Татар теле һәм әдәбиятын укытуда, бердәм дәүләт стандартларына нигезләнеп, балалар бакчалары һәм уку йортлары арасында бәйләнешле эш алып бару формалары” дигән темага шәһәркүләм семинар уздырылды. Семинарның максаты-укучыларның сөйләм телен, фикерләү сәләтен, эстетик зәвыгын үстерү, белем алуга кызыксыну тәрбияләү процессының дәвамчанлыгын күрсәтү,яңарыш шартларында башлангыч сыйныфларда татар теле һәм әдәбиятын укыту буенча эш тәҗрибәсе белән уртаклашу. Түбән Кама муниципаль районы Башкарма комитеты каршында эшләүче Татарстан Республикасы халыклары телләре турындагы Законны гамәлгә ашыру комиссиясе әгъзалары беренче сыйныфларда татар теле дәресләре, “Шәһәремә дан җырларга илһам бирә мәктәбем” дигән әдәби - музыкаль композиция карадылар, “Дәвамчанлык - ирешелгән уңышлар, алда торган бурычлар ”темасына түгәрәк өстәл артында үз фикерләре белән уртаклаштылар. Китанов Григорий Леонидович, Әхмәтҗанова Лилия Марсовна, Сәгъбиева Миләүшә Хәмитовна, Багаутдинова Тамара Алексеевна, Муминов Хоким Восиевич, Тартмина Лидия Михайловна, Найденко Людмила  Валентиновна, Хасанов Гали Ахтарович составындагы комиссия әгъзалары, шәһәр мәгариф идарәсе башлыгы урынбасары Рамазанова Айзирәк Рәмзиновна, мәгълүмати-методик үзәк методистлары Мортазина Лениза Насрулловна, Шәфыйкова Мәхтүмә Сәләховна, мәктәпкәчә тәрбия учреждениеләре методисты Гарипова Нәсимә Галиәхмәтовна семинар эшенә югары бәя бирделәр, катнашучыларның игътибарын  татар телен өйрәнүгә кызыксыну, үз милләтеңә, телеңә мәхәббәт тәрбияләү өлкәсендә нәтиҗәле эш алып барылуына юнәлттеләр. Балалар бакчаларының татар теле укытучылары, татар төркеме тәрбиячеләре башлангыч сыйныфларда татар телен бердәм дәүләт стандартларына нигезләнеп укыту тәҗрибәсе белән таныштылар, татар теле һәм әдәбияты укытучыларына хезмәттәшлек өчен  рәхмәтләрен белдерделәр.