Сез беләсезме, безнең мәктәптә иҗат яратучылар күп икән... Әлбәттә, алар китапханәдә еш җыела. Узган атнаның шимбәсендә дә мәктәбебез китапханәсендә шигырь сөюче дуслар күп иде. Сәбәбе: Түбән Кама шәһәрендә яшәп иҗат итүче шагыйрә Рәмзия Вәлиева безгә кунакка килде. “Шигъри дәрья” дип исемләнгән бу әдәби кичәгә укучылар бик җентекләп әзерләнгәннәр иде. Биредә алар талантлы шагыйрәнең шигырьләрен сәнгатьле итеп сөйләп күрсәттеләр. Алай гына да түгел, Рәмзия ханыма үзләренең сорауларын бирделәр. Рәмзия апа исә аларга  бик теләп, үзенең тормыш юлы һәм иҗаты турында сөйләде. Аның шигырьләре күңелне җәлеп итә. Шигырьләрендә шагыйрьбалаларны төрле тормыш ситуациясенә куя, шуның белән әти-әнине, әби-бабайны хөрмәт итәргә, туган телне яратырга, табигатьне сакларга, яхшы белән яманны күрә белергә чакыра. Иҗатында бик күп урын бөек шагыйрь - Тукай образына  бирелә. Автор Тукайны олылый, аның иҗаты белән соклана. Эчкерсез күңелле шагыйрәнең шигырьләренә көйләр дә язылган. Бүгенге көндә Рәмзия апаның биш җыентыгы дөнья күргән.

Әдәби кичә бик күңелле узды. Укучылар да, укытучылар да Рәмзия апа Вәлиева белән фотога төштеләр. Автор кулыннан бүләккә китап алу – балалар өчен көтелмәгән шатлык булды,  Рәмзия апа һәрберсенә үз имзасын да калдырды. Рәмзия апаның иҗаты  заман балаларын тәрбияләүдә  роле бик зур. Без аны мәктәбебезгә тагын кунакка көтәбез.

10нчы мәктәпнең татар теле һәм әдәбияты укытучылары