Әлеге чарада төрле сыйныф укучылары теләп катнашты. Тамашачыларга Балысбеков Арслан, Әхмәтова Рәхилә казах, үзбәк телләрендә шигырьләр сөйләделәр, Никаншина Полина татарча бию күрсәтте. Рус милләтеннән булган Симонова Полина, Плешакова Ксения, Тунгусков Раульнең рәхәтләнеп татарча җырлаулары мәктәптә татар теле укытуның яхшы дәрәҗәдә алып барылуын тагын бер кат раслады. 1 нче сыйныф укучысы Тигран Авдалянның лезгинка биюен залда утыручылар көчле алкышларга күмделәр. Нәкъ кытай кызларыдай киенеп сәхнәгә чыккан Матросова Эмилиянең кытай телендә шигырь сөйләве барлык тамашачыларга экзотик бүләк булды. Кичәгә “танылган кунаклар – Удмуртиядән Буран әбиләре” дә килгән иде. 5 нче сыйныф укучылары  Бурханова Алина, Тетерина Юля, Хасанова Ралина, Макарова Даша, Серебрякова Люда, Наумова Наташа, Асанова Катя “Party for everybody” җырын удмурт һәм инглиз телләрендә Буран әбиләренең үзләреннән дә яхшырак башкардылар. Кичәнең кызыклы үтүенә “шамакайлар” Гиззатуллин Данил һәм Хафизов Эмиль зур өлеш керттеләр. Алып баручылар Клещевников Илья һәм Гимадиева Алсуның сәнгатьле сөйләмнәре үрнәк итеп куярлык иде. Чара 8 нче сыйныф укучылары Миннәхмәтова Алсу һәм Махмуриева Ләйлә башкаруында  татар халкының гимнына әйләнгән “Туган тел” җырын тыңлау белән тәмамланды.
Презентация мероприятия
Татар теле укытучысы  Мельникова Г.Д.