13 октябрь көнне сәгать 13.00 дә  Яр Чаллы шәһәренең 52 нче мәктәбендә “Татарча диктант” дөньякүләм белем тикшерү акциясе узачак. “Татарча диктант” акциясе дөрес  язу, әдәби татар телен кулланучыларның даирәсен арттыру, татар телен белү дәрәҗәсен тикшерү максаты белән үткәрелә. Теләге булган һәр кеше татар телендә диктант язуда үз көчен сынап карый ала. Катнашучыларны бәяләү  http://diktant.tatar сайтында чыгарылачак. Диктант нәтиҗәләрен акция сайтында чарадан соң 30 көн дәвамында күреп булачак. Аларны бланктагы код сүзе һәм исем-фамилия буенча белеп булачак. Диктант текстын Аяз Гыйләҗев исемендәге Чаллы татар дәүләт драма театры актрисасы Лилия Рафаэль кызы Минһаҗева  укыячак.

“Татарча диктант” акциясендә катнашырга теләсәгез, безнең мәктәбебезгә  рәхим итегез!