15 нче апрель көнне мәктәбебездә татар әдәбиятының йөзек кашы булган, шигърияттә якты йолдыз булып балкыган, үзенең киң кырлы иҗаты белән меңнәрчә китап сөючеләрнең күңелен яулаган Клара Гариф кызы Булатова белән очрашу булды. Бик күптән күрешеп сөйләшәсе килә иде Клара апа белән. Үзе бер буын, үзе бер шигъри ачыш, үзе бер иҗади утрау булган шәхесне үз күзләрең белән күрү, рәхәтләнеп сөйләшеп утырудан да кунеллерәк ни була ала! Бу очрашуга 5, 8 һәм 9 нчы сыйныф укучылары алдан ук әзерләнделәр: шигырьләрен ятладылар, җырларын өйрәнделәр. Шагыйрә белән очрашу шигырьләр һәм җырлар белән үрелеп барды. Клара апа үзенең укытучылык һөнәре турында мавыктыргыч итеп сөйләде. Укучылар да үзләрен кызыксындырган сорауларына тулы җаваплар алдылар. Соңыннан Клара Булатова укучыларыбызга: "Сез үз туган телегездә саф, матур итеп сөйләшәсез. Укытучы өчен моннан да олырак бәхет бармы икән?” - дип, үзенең рәхмәт сүзләрен җиткерде. Бу очрашу укучылар күңелендә озак сакланыр дип уйлыйм. Клара апабыз да бит: ”Мондый укучыларым белән тагын очрашырга язсын”, - дигән теләген белдереп китте!!!

Әлеге премия 2020 нче ел дәвамында «Көмеш кыңгырау» газетасы белән актив хезмәттәшлек иткән бер өлкән авторга һәм кызыклы шигырьләре, хикәяләре, журналистик язмалары дөнья күргән дүрт укучы балага бирелә.

Бу чарада шәһәр мәгариф идарәсе милли эшләр буенча төп белгече Наилә Гадел кызы, Чаллы Язучылар берлеге рәисе Факил Миннемөхәммәт улы, газетаның беренче мөхәррире Нәсимә Исхак кызы үзләренең теләк, фикерләрен җиткерделәр. Тантанада «Көмеш кыңгырау» газетасы баш мөхәррире Ризидә Гасыймова газета белән актив эшләгән укытучыларга рәхмәт хатларын тапшырды. Кичә Шәүкәт Галиев шигырләре, җыр-биюләр белән үрелеп барылды.

3 "В" һәм 3 "Г" сыйныф укучылары "Эврика" мәдәният йортында “Туган телем – изге телем” дигән чарада катнаштылар. Бу чара “Татарстанда туган телләр һәм халыклар дуслыгы елы”на багышлап оештырылды. Укучылар мультфильм карадылар, төрле милләт уеннары уйнадылар.