Мәктәбебездә Халыкара  Туган  телләр көне  гөрләп узды. Төрле милләт вәкилләре белән дустанә белем алып кына калмыйбыз, аларның гореф-гадәтләре, телләре турында да мәгълүмат алдык.  “Бердәмлектә - дуслык” дигән әдәби-музыкаль  чара уздырылды. Барыбыз да мәҗлесләр залына кереп, эчтәлекле  чарада катнаштык. Молдаван, инглиз, тадҗик, татар, рус  телләрендә шигырь һәм җырлар тыңладык. Һәр чыгыш  курай, төрле милли уен кораллары тавышы  белән яңгырап торды. Чараны яшь укытучыларыбыз Илүзә Рамиловна  белән  Айназ Зикафовна алып барды. Зал белән ярышлар уздырулары да отышлы булды.

 Чара бик күңелле һәм эчтәлекле узды.