26 апрельдә бөек шагыйребез Габдулла Тукайның туган көнендә, татар халкы Туган тел көнен билгеләп үтә.

Башка бәйрәмнәр һәм истәлекле даталар белән беррәттән, бу көн һәркайсыбызның күңелендә аерым урын биләп тора. “Туган телеңне онытсаң, рухыңны югалтырсың…”– дип язган шагыйрь. Туган телен белмәгән кеше үз халкыннан да, милли тамырларыннан да аерыла, туган җиренә дә ят була. Без күпмилләтле илебездә төрле телләрнең һәм үзенчәлекле диалектларның байлыгын һәм аһәңен саклап калырга тиешбез.  Шушы форсаттан чыгып, мәктәбебездә төрле чаралар уздырдык. Тукай әсәрләренә иллюстрацияләр, әсәрләрен сәхнәләштерү,  “Нәфис сүз” бәйгесе, “Тукайга- чәчәкләр!”, “Тукай- якты йолдыз” әдәби- музыкаль кичә кебек чаралар  оештырылды. Көн дәвамында Тукай турында мәгълүмат, шигырьләре  ачык микрофоннан яңгырап торды. Туган тел көне   һәрвакытта да тынычлык, дуслык һәм татулык бәйрәме булсын!