Яр Чаллы шәһәре язучылары һәм шагыйрьләре иҗатына багышланган I Республикакүләм (II төбәкара) фәнни-гамәли конференциянең II (йомгаклау) турына узучылар 2024 нче елның 2 мартында МАГББУ “21 нче урта гомуми белем бирү мәктәбе”нә чакырыла. Теркәлү 8:30 сәгатьтә башлана.

Катнашучыларга үзләре белән эшләрен кәгазь вариантта алып килергә.

Үткәрү урыны: Яр Чаллы шәһәре, МАГББУ “21 нче гомуми урта белем бирү мәктәбе”,  Тимерьюлчылар урамы, 65 нче йорт.

Искәрмә: алмаш аяк киеме һәм шәхси документ (паспорт) алып килү сорала.

Дөньяда җиде меңгә якын тел бар. Шуларның сиксән өче киң таралган. Ә өч йөз сиксән өч тел бөтенләй юкка чыгарга мөмкин. Татар теле –ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор.

Яраткан язучыбыз Фәнис Яруллинның шундый сүзләре бар: «Тел - халык күңеленең кыңгыравы.  Ә кыңгырау кагылмасаң чыңламый». Кыңгырау гел чыңлап торсын өчен, тел югалмасын өчен үз телеңдә сөйләшергә кирәк.

Һәр халыкның теле үзенчәлекле, күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә. Ләкин һәркемнең дә туган теле бер генә. Шуңа күрә һәр милләт кешесе үз телен яратырга һәм башка милләтләрнең теленә хөрмәт белән карарга тиеш.

21 февраль – Халыкара туган тел көне уңаеннан, шәһәр китапханәсенең 3 филиалы белән берлектә 21 нче мәктәптә 2007 ел­дан Чал­лы шә­һә­ре Язу­чы­лар бер­ле­ге кар­шын­да оеш­кан «Ләй­сән» әдә­би бер­ләш­мә­се әгъ­за­сы  Ру­ша­ния Азат кы­зы белән очрашу булды. Чарада шагыйрә һәр милләт вәкиленә үз телен белергә, ихтирам итәргә кирәклеген әйтте, үзенең шигырьләрен укыды, укучыларның сорауларына җаваплар бирде.

Шулай ук, бу чарада башка милләт балалары да үз телләрендә яраткан шигырьләрен сөйләделәр.

26 февраль көнне Яр Чаллы шәһәре Аяз Гыйлаҗев исемендәге татар дәүләт драма театры бинасында күренекле прозаик, шагыйрь, филология фәннәре кандидаты, Татарстанның атказанган мәдәният хезмәткәре, Габдулла Тукай исемендәге дәүләт бүләге иясе Факил Сафинның 70 яшьлек юбилей кичәсе булачак. Әлеге чарадан 21 мәктәп тә читтә калмый. Юбилей кичәсе кунаклары – Казан һәм Татарстан Республикасының башка шәһәрләрендә яшәп иҗат итүче язучылар белән укучылар өчен очрашу оештырылачак. 

Ел саен 15 февральдә татар халкының бөек каһарман шагыйре Муса Җәлилнең (1906-1944) туган көне билгеләп үтелә. Муса һәм аның көрәштәшләренең исемен телгә алмый мөмкин түгел, чөнки аларны онытырга безнең хакыбыз юк. Һәр милләттә исеме телгә алынуга ук ихтирам уята торган шәхесләр була. Муса Җәлил әнә шундыйлардан. Бу исемне телгә алуга, аның кабатланмас шигырьләре һәм күпләр өчен кыюлык һәм батырлык үрнәге булган көрәше һәм эшчәнлеге күз алдына килеп баса. Ул — ялкынлы шигырьләр язган шагыйрь дә, илнең азатлыгы өчен көрәшкән курку белмәс, үлемне ирләрчә каршылаган каһарман да.

21 нче мәктәптә Муса Җәлилнең туган көненә багышлап герой-шагыйрьнең әсәрләре буенча бай эчтәлекле рәсемнәр, стенгазеталар күргәзмәсе һәм шигырь бәйгесе оештырылды.  

Муса Җәлилнең исеме тарих битләренә алтын хәрефләр белән язылган. Менә ничә еллар инде ул халык күңелендә якты бер җыр булып яши.

Чарадан фотосурәтләрне карарга мөмкин

_{14 февральдән “21нче урта гомуми белем бирү мәктәбе”ндә “Могҗизалар кыры” исемле чара белән туган тел (татар теле) атналыгы башланып китте.  Әлеге чараны 2 в һәм 3 в сыйныф укучылары өчен татар теле укытучысы Гатауллин А.Г. әзерләде һәм күрсәтте. “Могҗизалар кыры”нда укучылар татар халкының шагыйрьләре иҗаты,   милли ризыклар, милли киемнәр буенча үзләренең белемнәрен күрсәттеләр. Катнашулырга бүләкләр, уен шартлары буенча призлар әзерләнгән иде. Уенда 3в сыйныфы укучы Коробицына Ульяна җиңеп чыкты һәм укытучы аңа махсус бүләк тапшырды.  Уен балаларга бик ошады, барысы да канәгать калды.}

I  Республикакүләм (II төбәкара) фәнни-гамәли конференция

2024 нче елның 2 мартында Яр Чаллы шәһәренең муниципаль автономияле гомуми белем бирү учреждениесе “21 нче урта гомуми белем бирү мәктәбе”ндә Яр Чаллы шәһәре Башкарма комитетының мәгариф идарәсе, Татарстан Язучылары берлеге, Язучыларның Чаллы бүлеге,  «Мәйдан” республикакүләм әдәби-нәфис, иҗтимагый журналы, Яр Чаллы шәһәре муниципаль бюджет учреждениесе “Мәгълүмати-методик үзәк» белән берлектә  балалар бакчалары тәрбиячеләре, мәктәп китапханәләренең педагог-китапханәчеләре, гомуми белем бирү оешмаларында белем бирү программаларын гамәлгә куючы педагоглар һәм укучылар өчен Яр Чаллы шәһәре язучылары һәм шагыйрьләре иҗатына багышланган I Республикакүләм (II төбәкара) фәнни-гамәли конференция оештыра. Конференциягә рәхим итегез!

«Социальная политика РФ 2025» — федеральная информационная база достижений регионов России

В рамках 80-летия со дня полного освобождения Ленинграда от фашистской блокады (27 января 1944 года) были приглашены представители Библиотеки №8. Они  провели для 3-х классов классный час на тему «Блокадный Ленинград» . А так же они присоединились к акции «Блокадный хлеб».