Безнең балалар бакчасында ел саен Бөек Җиңү көне алдыннан ветераннар белән очрашу кичәсе уздырыла. Быел бездә кунакта Ясир Шакиров булды. Ясир бабай сугышта катнашкан иптәшләрен, тылда көнне- төнгә ялгап бөек җиңү өчен фидакарь хезмәт куйган кешеләр турында сөйләп узды. Сугышта катнашып яу кырларында ятып калган солдатлар, сугышчыларны искә алып бер минутлык тынлык игълан итте. Бүгенге матур тормыш өчен Ә инде безнең балалар бакчасында тәрбияләнүче балалар бик матур итеп концерт куйдылар, кул эшләрен бүләк иттеләр. Бакчабыз мөдире Гөлия Миңнеәхмәт кызы ветеранны котлап истәлекле бүләк, чәчәк тапшырды. Ясир Шакиров үзе язган шигырьне укып узды: Чал чәчле башым иям. Булды бит безнең авылның, Атта чапкан яшьләре. Көрәштә дан тотканнары Тальян уйнатканнары. Җитеп солдат булганнары, Солдат булмаганнары. Киткәннәр илне сакларга Авыл каhарманнары. Сугыш кабызган ялкынны Ерып чыгалганнары. Кайтканнар илгә дан алып Кайда соң калганнары? Күпләр кайталмый калганнар, Кара җиргә күмелеп. Гүрләреннән гөлләр шыткан Яктылыкка үрелеп. Шул гөлләрнең чәчәкләрен, Батырлар җаны диям. Ихтирам итеп аларны Чал чәчле башым иям. (Ясир Шакиров)