17 февральдә бакчабызда Туган теле атналыгы кысаларында  шагыйрә, язучы, тәрҗемәче Әлфия Ситдыйкова белән  “Мин хисләрдән яралганмын”  исемле очрашу үтте. Кичә балалар башкаруында Әлфия ханымның шигырьләре, җырлары,  кызыклы сораулар, уеннар  белән үрелеп барды.6, 7, 9, 13 төркем балалары шагыйрәнең шигырьләрен яттан сөйләделәр. Язучы балаларга үзенең китапларын бүләк итте. Кичәнең ахырында балаларга сюрприз итеп Әлфия Ситдыйкова шигырьләре буенча төшерелгән мультфильмнар күрсәтелде.

           Соңыннан кичәдә катнашучылар Ә.Ситдыйкованың китапларыннан торган күргәзмәне зур кызыксыну белән карадылар, бергәләп фотога төштеләр. Ә кунагыбыз  бакчабыз белән танышты.

           Очрашу кичәсе җанлы, күтәренке рухта, дустанә мөнәсәбәттә үтте. Язучы белән аралашу тамашачылар күңелендә җылы тәэсирләр калдырды.

          Әлфия ханым иҗаты бездә тагын да зур кызыксыну уятты. Шундый аз вакытта гына язучының иҗаты белән танышу мөмкин түгел. Без шагыйрәбезнең иҗатын өйрәнүне алга таба да дәвам итәрбез. 

       Әлфия Мирзанур кызына очрашуга килгәне өчен олы рәхмәтебезне белдерәбез, киләчәктә дә яңа үрләр, иҗади уңышлар, ныклы сәламәтлек теләп калабыз!