Без горур, чөнки бүген безнең 20 укучыбыз Беренче номерлы постта үзләренең антларын бирделәр. Аларны котларга хезмәт ветераннары, эти-бабайлар, лицей администрациясе килгән иде. Әйе, бу чара олы игътибарга лаек. Бер атна эчендә яшь буыннан чын патриотлар тәрбияләүче  бу вахта  яшь буынның үлгәннәрне хәтерендә тоту , аларның истәлеген хөрмәтләү билгесе. Лицеистлар дулкынланды...  Чыннан да, битараф калу мөмкин түгел иде. Постка килеп керү белән хәрбиләрчә туры басып төгәл командалар бирүче балалар үзләре генә түгел, безне дә тәэсирләндерде. Үзләрен күпкә  җаваплырак һәм өлкәнрәк тоя кебек иде алар. Чараның максаты укучыларга патриотик рух сеңдерү. Минемчә, чара максатына иреште.