1-4 нче сыйныфлар арасында үткәрелеп килүче "Татар малае-2023" бәйгесенең финалы “1 нче шәһәр балалар һәм яшүсмерләр иҗат сарае”нда узды. Бәйгенең шәһәр турында барлыгы 31 малай катнашып, шуларның 10 сы – №: 2, 5, 31, 37, 42, 51, 52, 54, 58, 64 нче мәктәп укучылары финалга үтте. Финалда малайлар сәхнәдә иҗади визитка күрсәтте, интеллектуаль уенда катнашты һәм сүз осталыгында ярыштылар. Иҗади бәйге һәркемнең үзенчәлекле иде, кемнеңдер чыгышы бик милли, кемнеңдер заманча. Иң мөһиме – чыгышлар бик төрле, бер-берсен кабатламый. 54 нче гимназиянең укучысы 1 нче, 2 нче гимназия укучысы 2 нче, 58 нче мәктәп укучысы 3 нче урыннарны яуладылар. Калган укучылар төрле номинацияләрдә җиңеп чыктылар. Малайлар мәгариф идарәсенең дипломнары, кыйммәтле бүләкләргә ия булдылар. Чараны “14 нче балалар-яшүсмерләр үзәге” шәһәр мәгариф идарәсе белән берлектә оештырды.