Укучылар үзидарәсе гимназия тормышын активлаштыру буенча зур эш алып бара. Моңа без тагын бер тапкыр ышандык.

Мәктәп үзидарәләре арасында оештырылган шәһәр конкурсы 3 турда узды. Һәр турда 2 гимназия үзидарә командасы уңышлы чыгыш ясады. 1 турда – 3, 2 турда – 1 урын яулап, үзидарә финалга чыкты.

Йомгаклау турында  2,78,77, 26 нчы гимназияләр, 82 нче лицей, 32, 53, 22 нче мәктәпләр катнашты. Һәркемгә билгеле: укучылар үзидарәсе составына мәктәпнең иң актив, белемле һәм сәләтле укучылары тартыла. Ә андый көндәшләрне җиңү өчен команданың башкалардан бер башка югары булуы кирәк. 2 гимназия үзидарә командасы нәкъ шундый булуы белән аерылып торды. Укучылар әзерләгән визитка формасы, эчтәлеге һәм куелышы белән уңышлы иде. Залда  укучылар чыгышы  берничә тапкыр алкышларга күмелде. Моннан тыш капитанга һәм үзидарә әгъзаларына  төрле сынаулар үтәргә туры килде. Һәр конкурста команда үзенең бердәм, актив, иҗади, гадәти булмаганча фикер йөртүче ,оештыру осталыгына ия булган команда булуын күрсәтте һәм һәр этапта максималь балл җыйды. Нәтиҗәдә үзидарә командасы шәһәр мәктәпләре арасында 1 урынга чыкты һәм мәгариф идарәсенең Мактау кәгазенә һәм Күчмә кубокка лаек булды.

Зур хезмәт аша яуланган җиңү шатлыгын аңлату өчен сүзләр табу җиңел түгел.

Уку елы дәвамында гимназия оештыруга зур хезмәт куйган, бәйгеләрдә гимназия данын яклаган үзидарә әгъзаларынһәм аларның әти-әниләренә  зур рәхмәтебезне җиткерәбез. Алар:

11 а – Бәдертдинов Ибраһим

Салихов Динар

Исаев Раил

10 а – Закирова Дания

10 б – Нигъмәтуллин Илдар

Адиева Диләрә

Галиуллина Альбина

8 б – Салихова Регина

          Тәрбия эшләре буенча директор урынбасары Э.М.Харисова.