17 мартта «Нур» яшьләр үзәгендә Шаяннар һәм тапкырлар клубының «14 нче балалар-яшүсмерләр» кубогы уены үтте. Уенда 6 белем бирү оешмасыннан 6 команда катнашты: «Мәхәббәт» (2 гимназия), «Шайтан таяклары» (29 нчы гимназия), «Текә борычлар» (52 нче мәктәп), «Карантин» (54 нче гимназия), «Эксклюзив» (58 нче мәктәп), «Оба-на» (84 нче лицей). «Иң яхшы мәзәк» номинациясендә җиңүне «Мәхәббәт» командасы яулады. «Кубок ачылышы» номинациясе – «Текә борычлар» да. «Иң яхшы хатын-кыз роле» җиңүчесе - Гарипова Нурия («Карантин»), «Иң яхшы ир-ат роле» - Вәлиев Илназ («Шайтан таяклары»). Көчле ярышта 3 нче урынны ике команда бүлеште: «Шайтан таяклары» һәм «Оба-на». 2 нче урында – «Карантин», ә 1 нче урын һәм кубокка ия булучы команда – «Эксклюзив» командасы. Аларны җиңүләре белән чын күңелдән котлыйбыз. Кызыклы чыгышлары өчен командаларга бик зур рәхмәт!