Бүген балалар  белән туган авылыбызның урамы һәм Ташлыяр мәчете белән таныштык,Балаларда туган җиргә мәхәббәт,авылыбызга карата горурлык хисләре тәрбияләнде,авыл турындагы белемнәре киңәйтелде,кызыксынучанлыклары,сөйләм телләре үстерелде,Юлдан барганда балалар көзге матур табигатьне дә күзәтеп бардылар.

Икмәк - яшәү терәге проекты кысаларында балаларга көзге байлыкның халыкка шатлык,куаныч китерүен төшендердек,бу байлыкларны тудыручы игенчеләр хезмәтенә карата хөрмәт тәрбияләнде.Рәсем буенча игенченең авыр хезмәте,икмәкнең нинди юллар аша табынга килүе турында тасвирлап сөйләргә өйрәнүне дәвам иттек.

Бүгенге матур көндә балалар белән көзге табигатьне күзәттек.Уен мәйданчыгындагы агачлардагы көзнең характерлы билгеләре белән таныштыруны дәвам иттек,яфраклар җыеп букет ясадык.

Балалар дидактик уеннарны бик яратып уйныйлар."Салават күпере"уенында балалар төсләрне ныгыттылар.

Безнең"Ләйсән"балалар бакчасында лаеклы ялдагы хезмәт ветераннары белән очрашу узды.Очрашу җылы ,күңелле атмосферада үтте.Балалар ветераннарга матур котлаулар әзерләделәр.Бәйрәм күңелле сөйләшүләр,чәй эчү,бүләкләр белән тәмамланды.

Балалар белән бакчабызда үстерелгән чөгендер уңышын җыеп алдык.Балалар үз  көчләре белән үстерелгән яшелчәләрне бик шатланып җыйдылар.Балаларда табигатькә,яшелчәләргә сакчыл караш ,хезмәт сөючәнлек тәрбияләнде.яшелчәләр турындагы системалаштыру дәвам ителде.

Авылыбыз фельдшеры Насыйрова Рәмзия балаларның мантуларын тикшерде.Рәмзия апалары балаларга чисталык,шәхси гигена турында да аңлатты.

Бүген, әйләнә-тирәне өйрәнү шөгылендә, "Минем туган җирем"темасына әңгәмә үткәрелде.Балаларда Ватаныбызга,туган авылыбызга карата горурлык хисләре тәрбияләнде.Шөгыль азагында балалар авылыбыз композитры,җырчы Рөстәм Сәрваров башкаруында"Ташлыярым" җырын тыңладылар.

Үсемлекләргә сак караш тәрбияләү,хезмәткә кызыксыну уяту максатыннан балалар белән участокта үскән усемлекләрне күзәттек,җитешкән орлыкларын карадык,чагыштырдык.

Балаларга татар халкының кунакчыллыгы,гореф-гадәтләре турында әңгәмә үткәрелде. Балалар камырдан татар халкының милли ризыгы булган чәк-чәк ясарга өйрәнделәр