"Ел укучысы - 2024" титулына ия булган 11 нче сыйныф укучысы Мәдинә Морзаханованың фотосы "Хезмәткә дан" скверында урын алды. Мәдинә – уку алдынгысы. 2023-2024 нче уку елында татар теле, татар әдәбияты, химия, рус әдәбияты фәннәреннән республика олимпиадаларында 5 призлы урын яулады. Рус әдәбияты фәненнән Бөтенроссия олимпиадасының региональ этабында җиңүче, татар теле һәм әдәбияты буенча Халыкара олимпиадада призёр булды. Мәдинә-республикакүләм фәнни-гамәли конференцияләр, конкурслар, спорт ярышлары җиңүчесе. Укучылар үзидарәсе, “Алдынгылар хәрәкәте” активисты, “Мөслим кызы-2023” титулы иясе. Без синең белән горурланабыз, Мәдинә! Алда тагын да зуррак уңышлар һәм җиңүләр телибез!