Бакчабызның зурлар төркеме балалары көзге табигатькә экскурсия ясадылар.Гербарий өчен яфраклар,нарат күркәләре,миләш җыйдылар. 

Зурлар төркемендә сөйләм үстерү эшчәнлеге.Тема: "Туган ил кайдан башлана?" Мөслим,аның күренекле кешеләре турында әңгәмә үтте.Соңыннан балалар Мөслим районы турында видеоязма карадылар.

Беренче кечкенәләр төркемендә "Яңгыр ява" темасы кысаларында балалар белән болыт,яңгыр тамчыларын өйрәндек,күзәттек.Кояшның күктә берәү генә икәнен күрдек.Яңгыр,күк күкрәгән тавышларны тыңладык.Яңгыр яуганда кулчатыр(зонтик) астына качып утырдык.

"Күбәләк" балалар бакчасы коллективы “Яшел Мөслим" акциясендә катнашты. Шулай ук акцияга бакчабызның мәктәпкә әзерлек төркеме балалары да кушылды.Акция кысаларында юл буена утыртылган агачларга су сибелде, агачларның төпләре йомшартылды. Акция балаларда табигатькә сакчыл караш тәрбияли. "Күбәләк" балалар бакчасы һәрдаим бу акциядә катнашачак.

"Күбәләк" балалар бакчасының беренче кечкенәләр төркеме белән көзге киемнәр турында өйрәндек.Аларның исемнәре, кайсысы кая киелүен тикшердек.

Икенче кечкенәләр төркеме балалары Ә.Бикчәнтәеваның "Туп" шигырен яттан өйрәнделәр.Балалар Әминәне юаттылар, аңа тупның суда батмавын аңлаттылар. 

Бүген безнең "Күбәләк" балалар бакчасында кунакта Сарман районы ЮХИДИ вәкиле Ситдикова А.Р. булды.Мәктәпкә әзерлек төркеме балалары "Юлда йөрсәң бул өлгер,юл кагыйдәсен яхшы бел" исемле эшлекле уен-КВНда катнаштылар.Алсу Разиновна балаларга бүләкләр дә алып килгән.Балаларыбыз бүләкләргә бик сөенделәр,юл йөрү кагыйдәләрен төгәл үтәргә сүз бирделәр.
 

Бүген "Күбәләк" балалар бакчасының мәктәпкә әзерлек төркеме балалары безнең авылның үзәк китапханәсенә бардылар.Лев Николаевич Толстойның тууына 190 ел тулуга багышланган чарада булдык.Балалар аның биографиясе һәм иҗаты белән таныштылар, язучының мәсәлләрен һәм әкиятләрен карадылар.

Беренче кечкенәләр төркеме балалары "Көз" темасын өйрәнүне дәвам итәләр.Бүген якыннан кыяр белән таныштык.Хәтта аны банкаларга салып тозладык та әле.