Отзыв: Чакырдыгыз, килдек сезгә.

Бик тә рәхәт булды безгә.

Чыгышлар да менә дигән,

Җомга ялы булды бүген.

Уртанчылар төркемендә

Килде татар аюлары,

Ул Акбае, ул Мияуы,

Безне алар шаккаттырды.

Гыйберәтле әкиятне 

Өлкән  төркем күрсәтте,

Кечкенәдән  эш сөяргә

Берсен – берсе өйрәтте.

Йомры икмәк әкиятен

Тында алмый карадык,

Татарча сөйләшүләрен

Йотлыгып та тыңладык.

Кечкенә тычкан баласы

Күпме геройны җыйды.

Бер русча сүз әйтмәделәр,

Нәкъ чын татарлар инде.

Рус әкиятен балалар

Тәрҗемә дә итәләр.

Мактап та бит сезгә башка

Калмады әйтер сүзләр.

Олы рәхмәт җиткерәбез

Сезнең татар телчесенә.

Татарча яхшы өйрәткән

Олысына, кечесенә.

Бу бакчада бергә, бердәм

Эш барганы күренеп тора.

Әле кабат алда сезне

1 миллион көтеп тора.

Алга таба хаман шулай

Эшегез гөрләп барсын.

Бездәйләрдә үрнәк алып

Матур яшәргә язсын!!!

Казан шәһәре, Совет районы татар теле тәрбиячеләре.