27-28 нче февраль көннәрендә гимназиядә күркәм традициягә әйләнгән "Сәхнә җәүһәрләре" театр фестивале узды. 1дән алып 10 нчы сыйныфка кадәр барлык укучылар да үз осталыклары белән мәртәбәле жюрине генә түгел, ә тамашачы укучыларны һәм укытучыларны сокландырды. Укучылар, чынлап та бик тырышканнар: искиткеч костюмнар, декорация, музыкаль бизәлеш, заманча технологияләрне уңышлы һәм урынлы куллану- берсе дә читтә калмаган. Чыгышларны караганда, без елмайдык та, еладык та, уйландык та, үзебез өчен өр-яңа талантлар да ачтык.
"Театр яктылыкка, нурга илтә,"- дигән бөек шагыйрь Габдулла Тукай. Күңелләрдә якты хатирәләр, нурлы йөзләр белән таралыштык