Выражают благодарность  Мардановой Н (1 класс), Абдуллину И (2 класс), Мухлисовой Т.(6 класс), Шайдуллиной Э (10класс)  за участие в районном молодежном фестивале эстрадного искусства "Созвездие-Йолдызлык-2014"

 6-11 нче класс укучылары өчен, 14 нче февраль көнне  "Афганистан җирлегеннән Совет хәрби көчләрен чыгаруга 25 ел " дип исемләнгән очрашу-кичә уздырылды. Очрашуга мәктәбебездә физкультура фәнен алып баручы, Афганистан җирендә хезмәт иткән солдатыбыз- Гасимов Ф.Х. чакырылды. 

  Белем иленә юл күрсәтүче Әлифба китабын укып бетереп, беренче класс укучысы Марданова Нурсинә бер мәктәптә укучы дусларын "Әлфиба бәйрәме"нә чакырды. Бәйрәмгә "Чулпан" балалар бакчасында тәрбияләнүче дуслары-Фирүзә белән Зөлфәт тә килгән иде. Бәйрәмдә катнашучы укучылар  шигырьләр сөйләделәр, биеделәр, җырладылар, табышмак әйтештеләр. Кичә бик күңелле узды.

10 нчы класс укучысы Хазиев Зөлфәт район данын яклап, татар әдәбиятыннан республика турында катнашып, уңышлы чыгыш ясады.

10  февраль көнне ОБЖ  укытучысы  Шакирҗанов И.Г. һәм физкультура укытучысы Гасимов Ф.Х. 1-5 класслар арасында "Күңелле стартлар!" ярышы үткәрделәр. "Кадет" командасы җиңүче булды.

Бүген мәктәптә укучылар студентлар һәм фермерлар белән очрашу узды. Очрашуга фермер Гатин Р.М һәм Нагимов Ф.Г. килде. Шулай ук әлеге кичәдә авыл җирлеге башлыгы Хасанов Б.Ф. катнашты. Укучылар үзләренә һөнәр сайлаганда  килеп туа торган күп кенә сорауларга җаваплар таптылар. 2 сәгать барган очрашу бик җанлы һәм кызыклы узды. Ә аннан соң укучылар командасы белән студентлар арасында волейбол ярышы уздырылды.

Белем алып чыккач, тәнәфес вакытларында укучылар өстәл теннисы белән мавыга.

Февраль ае мәктәптә хәрби- патриотик айлык дип игълан ителде.

Көннәр салкынайту белән янгыннар көчәя. Саксызлык аркасында бәла-казаларга дучар булабыз. Әлеге күңелсез күренешләрдә калмасын өчен безгә нәрсәләрне белергә? Сишәмбе көнне узган кичәдән укучылар бик күпне белеп кайтып киттеләр. Мәктәптә укучыларның куркынычсызлыгын тәэмин итүче ОБЖ укытучысы Шакирзянов И.Г. бу хакта җентекләп сөйләде, аңлатты. Чарада 9-11 класс укучылары катнашты.

27 нче гыйнвар-Ленинград блокадасына 70 ел. Бу коточкыч сугышта катнашкан ватандашларыбызны да искә алу көне иде. Мәктәптә шул уңайдан күргәзмәләр залында шушы чорны чагылдырган фото, китаплар урнаштырылды. Тормыш иминлеге дәресләрен алып баручы, 9 нчы класс җитәкчесе Шакирзянов И.Г. 5-8,10 класс укучылары өчен класс сәгате уздырды.