Бүген мәктәптә рус теле фәненнән халыкара "Керпе" конкурсы үтте. Конкурста 30 бала катнашты.

Бүген мәктәбебезнең 4 сыйныф укучылары Түбән Сон урта гомуми белем мәктәбендә үткәрелгән зонакүләм фән олимпиадасында катнашып, Исмагилов Илнур рус теле фәненнән 2 нче урын, Мифтахова Әдилә татар теленнән 3 нче урын алып менделәр.

10 нчы февраль көнне мәктәбебезнең 8-11 сыйныф егетләре арасында "Ягез әле, егетләр!" бәйгесе уздырылды. Егетләребез 15 төр буенча үзләренең җитезлекләрен, көчләрен, осталыкларын күрсәттеләр.  23:28 исәбе белән "Дуслык" командасы "Ялкын" командасын җиңеп чыкты.

8 нче февраль көнне районкүләменда үткәрелгән кул көрәше ярышында 10 нчы сыйныф укучысы Хузина Энҗе 2 нче урын, 8 нче сыйныф укучылары Галиева Алсинә һәм Салахова Таңсылулар үз үлчәмнәрендә 3 нче урын яуладылар. Аларга алга таба да уңышлар телибез.

1 февраля учащиеся 9 класса нашей школы Агмалова Диляра, Хамашева Сирень выступили в III Республиканской конференции исследовательских краеведческих работ учащихся "Жить, помня о корнях своих...". Агмалова Диляра награждена дипломом I степени за исследовательскую работу в секции "Литературное краеведение".

1 нче февраль көнне мәктәбебездә "Студентлар белән очрашу" кичәсе узды. Очрашуга Республикабызның төрле ВУЗларында һәм көллиятләрендә укучы студентларыбыз кайтты. Алар укучыларга үтемле итеп үзләре укыган уку йортлары белән таныштырдылар. Икенче өлештә укучылар һәм студентлар арасында бәйге уздырылды. Юмор хисе бетмәгән студентларыбызны тагын бер кат яратып карадык. Кичә бик күңелле узды.

6 нчы сыйныф укучысы Мухаметзянов Тимерхан, 25 нче гыйнвар көнне Яр Чаллы шәһәрендә үткәрелгән яшь башкаручыларның "Беренче адымнар" дип аталган VI ачык Республика фестиваль-конкурсында  катнашып, 1 дәрәҗәле дипломга лаек булды.

1 нче февраль көнне, кичке сәгать 6 да, мәктәбебездә "Студентлар белән очрашу" кичәсе була. Үзебезнең мәктәбебезне бетергән укучыларыбызны көтеп калабыз.