Республика күләм 5-9нчы сыйныфлар өчен  укучыларның шәхси кабинетларында Online тестированиеләр башланды. Без аларга уңышлар телибез!

Дәүләт йомгаклау аттестациясенә әзерлекне көчәйтү максатыннан мәктәптә 4нче декабрь көнне рус теленнән, 6нчы декабрь көнне математикадан,17нче декабрь көнне татар теленнән 9нчы сыйныф укучылары өчен пробный ГИА (БДИ) үткәрелде.

Лениногорск шәһәренең 13нче номерлы мәктәбендә үткәрелгән, әниләр көненә багышланган зона күләмендә "Әниләрне олыларга онытмыйк" нәфис сүз бәйгесендә безнең мәктәпнең 5нче сыйныф укучысы Хисамова Нәргизә (җитәкчесе Хисамова Э.Н.) 2 урын яулады. Котлыйбыз!

4нче декабрь көнне авылдашыбыз Бөек Ватан сугышы ветераны Могыйнов Салих бабайның 90 яшьек юбилее булды. Җирле үзидарә җитәкчесе Артур Хабибуллин, авылыбызның иман хатыйбы Сайфуллин Шәһит абый, мәктәп коллективыннан музей җитәкчесе Хасаншина Резидә җитәкчелегендә бер төркем укучылар Салих бабайны бу олы бәйрәм белән котларга бардылар.

Мәктәптә Инвалидлар декадасының ункөнлеге башланып китте. Бу темага барлык сыйныфларда класс сәгатьләре үткәрелде. Шулай ук укучылар, язмыш тарафыннан рәнҗетелгән кешеләрнең төшенкелеккә бирешмичә яшәргә тырышулары турында фильм карадылар.

29нчы ноябрь көнне Лениногорск шәһәренең 4нче номерлы мәктәбендә "Словотвочество" конкурсы узды. Бу бәйгедә 4нче сыйныф укучысы Хабибуллин Искәндәр 3нче урын алды. Сыйныф җитәкчесе Сунгатуллина Зөлфия апаны һәм Искәндәрне котлыйбыз!

Мәктәптә әниләр көненә багышланган зур концерт булып узды. Бәйрәм уңаеннан "Иң кадерлем-әнием!" темасына рәсем бәйгесе игълан ителде. Укучылар бик теләп бәйгедә катнашты һәм түбәндәге нәтиҗәләр чыгарылды:

1 урын- Мустафина Адилә (6кл)

2 урын - Сайфуллина Вилүзә (7кл)

3 урын - Галимзянова Илүзә (6кл),Сайфуллина Алинә(3кл)

«Әни бит ул – өйнең яме,

Ә тормышта – олы терәк.

Сәламәт бул озак яшә,

Син бит, Әни, безгә кирәк!» - дип әйтәләр Урмышлы мәктәбе укучылары.