Бүген 8-9нчы сыйныфлар өчен Лениногорск сәнгать уку йортынан килгән хезмәткәрләр белән очрашу үтте. Әңгәмә вакытында укучылар үзләрен кызыксындырган сорауларга җаваплар алдылар, уку йорты турында мәгълүмат тыңладылар.

Җиңүнең 70 еллыгына багышланган план буенча эш дәвам итә. Укучылар сугыш чоры шагыйрьләре иҗатына багышланган чыгышка әзерләнәләр.

ГТО нормалары үтәүнең  язгы чорга караган өлеше башланды. Укучыларыбызның сынатмауларын телибез!

1 апрель - Бөтендөнья кошлар көне итеп билгеләнеп үтелә. Мәктәптә бу көнгә багышлап "Исәнмесез, кошкайлар!" дип аталган музыкаль чыгыш үткәрелде. Чыгышта 5-7 класс укучылары кошлар турында, кошларга багышлап шигырьләр сөйләделәр, җырлар җырладылар. (җитәкче Фарзиева М.Р.)

Укучылар тәнәфес вакытларын да файдалы үткәрәләр. Бүгенге тәнәфесләр вакытында 1-5 сыйныфлар өчен "Кошларны беләсеңме?" дип аталган викторина үтте. Абсолют җиңүче 5 класс укучысы -Хабибуллин Искәндәр. (оештыручы Фарзиева М.Р.)

Укучылар өчен үткәрелгән "Парад юбилеев"  фестивалендә 2 урын яулаган Хабибуллин Искәндәрне (5 кл), Локманова Лиананы (8кл) һәм        3 урын алган 4 класс укучылары Хисамова Ләйсән белән Эльмираны котлыйбыз! Шулай ук бу укучылар шәһәр һәм район фестивальләрендә катнашу өчен дә сайлап алынды. Уңышлар сезгә!!! (җит. Хабибуллина Э.Г., Хисамова З.М.)

"Бөек Җиңүгә 70 ел" һәм Әдәбият елына багышлап "Батырлык" дип аталган мәктәпкүләм әдәби-музыкаль кичә үткәрелде. Укучылар фронтовик - шагыйрь Фатих Кәримнең бай иҗаты, сугышчан батырлыгы белән таныштылар, әсәрләрен сөйләделәр.

Оештыручылар: татар теле укытучысы С.Мифтахова һәм педагог-оештыручы Э.Хабибуллина.

Авылдаш ветераныбыз Якупов Гата Габидин улының бүген туган көне. Волонтерларыбыз 8 сыйныф укучылары класс җитәкчесе Бурнашева Нурия һәм җирле үзидарә рәисе Хабибуллин Артур Фәнзәт улы белән ветеранны котларга бардылар. Концерт программасы күрсәттеләр. Очрашу бик җылы үтте. Ветеранга Җиңүнең 70 еллыгы уңаеннан медаль тапшырылды.