Бүген, 16 нчы февраль көнне, мәктәбебезнең 7Б һәм 8А сыйныф укучылары шәһәрнең мәдәният йортында “Хатын – кыз яулыгы тарихы буенча сәяхәт” исемле чарада катнашты.

Бәйрәмне “Ихлас” мәчете мулласы Гомәр хәзрәт башлап җибәрде. Кечкенә балалар һәм ак яулыклы апалар тарафыннан матур сүрәләр әйтелде.

Яулыкларда татар халкы язмышы чагыла. Элек – электән шәлъяулык хатын – кызлар өчен бик кыйммәтле һәм кадерле бүләк булып саналган. Мөселман хатын – кызларының яулыклары тәңкәләр, чигү, сәйләннәр белән бизәлгән булган.

Бәйрәмдә төрле – төрле яулыклар турында белешмә бирелде һәм яулык бәйләү ысуллары күрсәтелде. Чара ахырында үткәрелгән кызыклы викторинада олылар да, балалар да бик теләп катнашты.