9 апрель көнне Түбән Чыршылы мәктәбендә кызыклы, җылы очрашу булып узды. Бездә кунакта Лениногорск шәһәре һәм район "Чишмә" иҗат берләшмәсе язучылары һәм шагыйрьләре. Бөек Тукайның олуг юбилее уңаеннан оештырылган бу кичә онытылмас хисләр генә калдырды. Укучылар һәм укытучылар алдында һәр язучы һәм шагыйрь күңел түреннән чыккан шигырьләрен укыды, китапларын бүләк итте. Берләшмә җитәкчесе Рәсим хәзрәт Насибулла Бөек Тукай турында, аның мәңгелек татар дөньясының горурлыгы булып калачагы турында чыгыш ясады. Шәһәр композиторы Каюм ага Шәрәп Чыршылы авылына һәм шагыйрьләр сүзләренә багышланган җырларын бүләк итте. Туишев исемендәге лауреат, баянчы Равил Гыйматдинов гармун моңнары белән әсир итте. Укучыларыбыз кунаклар каршында Габдулла Тукай шигырьләрен сөйләделәр, "Шүрәле" поэмасын сәхнәләштереп күрсәттеләр. Бу кичәдә алган тәэсирләр әле озак онытылмас. Бөек Тукаебыз кабызган ут һәр татар баласының күңелен тибрәндереп матур яшәүгә дәртләндереп торсын дип әйтәсе килә.   

7 апрель - "Бөтендөнья сәламәтлек көне" уңаеннан физкультура укытучысы Багаутдинова А.Б. 5-9 сыйныф укучылары белән берлектә чара үткәрде. Җитезлек, төгәллек, эрудиция һәм башка төрле сыйфатлар аша балалар сәламәт тормыш рәвешен алып барырга өндәделәр. Барыбыз да сәламәт булыйк!

Мәктәбебездә, бу көннәрдә бигрәк тә, "Тукай", "Тукай шигырьләре" кебек сүзләр еш ишетелә. Чөнки, сөекле Тукаебызга багышлап "Тукай язы" хәрәкәте башланды. Татар теле һәм әдәбияты укытучысы Сафина Р. С. җитәкчелегендә, беренче булып, 7сыйныф укучылары Шарипов И., Мөхәммәтҗанов Н., Исламов Д., Салахов Ә., Вафина Г. Тукайга багышланган шигырьләрен, үзләре иҗат иткән хикәяләрен укучылар игътибарына тәкъдим иттеләр. Тукай чорыннан ук килгән, күңелләрне нечкәрткән сафландырган җилләр искән кебек булды. 

Язгы миһербанлылык атналыгы нигезендә, бүген, башлангыч сыйныф  укучыларына музейга эксурсия оештырылды.  

28 март көнне Лениногорск шәһәре "Балалар иҗат йорты"нда "Мир моих увлечений" дип аталган конкурс үтте. Безнең мәктәптән 4 сыйныф укучылары Габдрахманова Гөлинә һәм Галиева Диана "Вокал" жанрында "Иң кадерле кешем" җыры белән 2 урынга ия булдылар. Укучыларны һәм җитәкчеләре Сайфиева Т.Ш. җиңүләре белән тәбрик итәбез һәм зур уңышлар телибез.

 24 – 25 март көннәрендә укытучылар “Преобразование обучения в XXI веке. Креативное решение проблем» темасына семинар-тренингларда белемнәрен камилләштерделәр.

Иске Шөгер мәчетендә укучы шәкертләр Туган якны өйрәнү музеена килделәр. Дини тәгълимат, әһлак белемнәрен өйрәнүче галим Р.Фәхреддиннең тормыш юлы, Чыршылы белән бәйле чоры турында кызыклы мәгълүматлар ишеттеләр. Кызыклы мәгълүматләр өчен музей җитәкчесе Сафина Р.С. рәхмәт белдерделәр.

С 1 апреля запланировано проведении акции "Весенняя неделя Добра". Тимуровская команда посетит и поможет всем, кто нуждается в помощи школьников.

23 март көнне, 1 сыйныфка укырга керүче укучылар, мәктәпкә әзерлек дәресенә килделәр. Алар укыдылар, яздылар, бакчада өйрәнгән һөнәрләрен күрсәттеләр.