Уважаемые родители и учащиеся! Торжественная линейка, посвящённая Дню Знаний, состоится 1 сентября в 9. 00 часов. Администрация школы. 

          Һәрбер сыйныфта һәм ашханәдә кызу эш бара: ремонт эшләре төгәлләнеп килә. Мәктәп коллективы, ялны белмичә, бинаны яңа уку елына әзерләү өстендә эшлиләр. 

          Хөрмәтле укытучылар, укучылар, әти – әниләр һәм сайт кунаклары!

          Сезне чын күңелебездән якынлашып килүче Татарстан Республикасы көне белән котлыйбыз!

          Чын мәгънәсендә гомумхалык бәйрәме булган әлеге бәйрәм күпмилләтле халыкның бердәмлеген, татулык һәм тынычлыгын чагылдыра. Ата–бабаларыбызның хезмәте, батырлыгы һәм иҗади казанышлары нәтиҗәсендә без туган ягыбызның табигате, аның тарихы һәм бүгенгесе белән хаклы рәвештә горурланабыз. Без халкыбызның борынгы йолаларын, аның мәдәниятен буыннан–буынга тапшырабыз. Күп еллык тарихында халкыбыз булдырганны саклап һәм арттырып, ата–бабаларыбыз традицияләрен истә тотып, хәзерге заман алдынгы технологияләре ярдәмендә без алга ышаныч белән атлыйбыз. Дуслык һәм үзара аңлашу, туган җиребезгә мәхәббәт, өлкәннәргә хөрмәт – болар барысы да күпмилләтле республикабызда тынычлык һәм бердәмлекне сакларга ярдәм итә.

          Хөрмәтле ватандашлар! Сезгә ныклы сәламәтлек, бәхет, туган республикабыз иминлеге хакына хезмәтегездә уңышлар телибез!

Мәктәп администрациясе

           26 нчы август көнне шәһәр мәдәният йортында Лениногорск муниципаль районы укытучыларының еллык август киңәшмәсе узды. Конференциянең пленар утырышына ТРның мәгариф һәм фән министры Фәттахов Энгель Навапович килгән иде.

          Безнең мәктәп укытучылары коллективы 4 күргәзмәдә дә актив катнаштылар. 

          Мәктәптә район август педагогик киңәшмәсенә әзерлек бара. Мәктәп администрациясе, укытучылар һәм укучылар тырышып әзерләнәләр. 

           18 август көнне шәһәребездә “Мәктәпкә җыенырга булыш!” акциясе узды. 1 нче сыйныфка укырга килүче кызыбызга уку әсбаплары тутырылган сумка бүләк иттеләр. 

          Бүген 9 нчы сыйныфның 8 чыгарылыш укучысына аттестат тапшырылды. Ак юллар сезгә! 

26 июня - Международный день борьбы с наркоманией

          Тиздән чыгарылыш сыйныф укучылары кулларына аттестатлар тотып, үзләре сайлаган һөнәрләр буенча белгечлек алырга дип, урта һөнәри уку йортларына юл тотар.  

          Хөрмәтле әти –әниләр! Балагыз нинди дә булса белгечлек сайлаганда, киңәш бирер алдыннан, беренче чиратта, аның нәрсәгә сәләтле булуына һәм тартылуына игътибар итегез. Әгәр башкарган эше кызык түгел, көченнән килми яки аңа аны мәҗбүриләп такканнар икән, бу кеше зур уңышларга ирешә алмаячак.  

          Бүген бик абруйлы саналган һөнәрнең дә тагын 5-6 елдан дәрәҗәсе бөтенләй төшәргә, рейтинг баскычының ахыргы өлешендә калырга мөмкин. 

          Шуны истән чыгармагыз: балагыз сезнең теләкләрне генә үтәп йөрү, хыялларыгызны тормышка ашыру өчен дөньяга килмәгән. Әгәр сез яшьлегегездә ниндидер югары уку йортына кереп укый алмагансыз икән, моны бала эшләргә тиеш дигән сүз түгел. Әгәр югары белем алгансыз икән, улыгыз яки кызыгыз, нәкъ менә сезнең юлдан китәргә тиеш дип уйлау, шулай ук зур ялгышлык.

          Югары уку йорты дипломы, һичшиксез, эш табу мөмкинлеге, югары хезмәт хакы гарантияли дип уйлап та хаталанмагыз. Кайда да эшен яратып, белеп башкаручыга, башы эшләгән, яхшы холыклы, сау-сәламәт кешегә өстенлек бирәләр.

          Балагызга ышаныгыз, һөнәр сайлаганда ярдәм итәсегез килә икән, үзегезне таләпчән укытучы кебек тотмагыз, якын дус булыгыз. Улыгыз яки кызыгыз ялгышлык эшләгән кебек тоелса да, юл кую дөресрәк булмас микән? Бу – ул сайлаган һөнәр, аның тормышы. Үзе абынган еламас, диләр. Әлеге гамәле өчен ул үзе җавап бирәчәк, хатаны да үзе төзәтәчәк. Сезнең киңәшне тотып ялгыштым, дип гомер буе үкенерлек булмасын!