Соңгы кыңгырау

Мәктәптә чыңлый соңгы кыңгырау.

Ник соң ямансу шушы яңгырау?

Якты йөзләрдә, моңсу күзләрдә

Мең дә бер сагыш, мең дә бер сорау.

Синдә алдык без белем ачкычын.

Син, мәктәбемә, рәхмәт мең кабат.

Тормыш юлында булса киртәләр,

Иңнәргә куйдың көчле пар канат.

Сау бул, мәктәбем! Без бит кайтырбыз

Киткән кошлардай бергә тезелеп.

Гөрләшеп узган бала чакларны

Сабый чакларны өзелеп сагынып.

Укытучылар, сабакташларым

Хәтергә иңеп мәңге калачак.

Соңгы кыңгырау озата безне.

Инде хуш, мәктәп, изге балачак!

          Кадерле укучыларым!
          Әле кайчан гына сез 1 нче сыйныфка укырга кергән идегез. Әйе, ул вакытта барысы да беренче иде - беренче кынгырау, беренче укыган сүзләр, беренче шатлыклар, беренче борчулар. Белем үрләрен яулый – яулый 9 ел сизелми үтеп тә киткән.
          Мәктәп сезгә ныклы белем бирде, канат куеп үстерде. Бүген кадерле мәктәбебез олы юлга хәер – фатихасын бирә. 9 нчы сыйныф ул – кисешкән юл кебек. Берәүләр мәктәп бусагасын кыю атлап чыгып үзенең белем алуын техникумнарда, колледжларда, лицейларда дәвам итсә, икенчеләрегез 10нчы сыйныфта укуын дәвам итәр. Алда беренче сынаулар көтә. Имтиханнарда тел ачкычы, тапкырлык, зиһенлек юлдаш булсын! Киләчәктә туплаган белемнәрегезнең файдасын күреп иминлектә яшәргә язсын!
          Алёна, Юлия, Эдик, Женя, Тимур, Кирилл, Кристина – 7 егез дә – тырышлар , талантлылар, акыллылар, чибәрләр. Мин сезнен белән горурланам. Сезне бик яратам.
          Хәерле юл, сезгә, балалар!

          Бүген мәктәбебездә 7 чыгарылыш 9 нчы сыйныф укучысы укытучыларны, ата – аналарын һәм дусларын соңгы “ачык дәрес” ләренә чакырдылар. Актлар залында бик җылы атмосфера хөкем сөрде. Сыйныф җитәкчеләре Галина Ильинична сыйныфына үзенең матур теләкләрен җиткерде. Укучылар мәктәпкә, укытучыларга, балачакка багышлап шигырьләр сөйләделәр, җырлар җырладылар, төрле уку елларыннан җыелган фотосурәтләрдән презентация күрсәттеләр. Әти – әниләр мәктәп коллективына рәхмәт сүзләре әйттеләр. Директор вазыйфаларын башкаручы Маргарита Николаевна 9 нчы сыйныф укучыларының ДЙА имтиханнарына рөхсәт итү боерыгын укыды. Аерым стенада балачак, гаилә фоторәсемнәре, “Безнең уңышлар” стенасында балаларның казанышларын дәлилләгән дипломнар, грамоталар эленеп тора. Чарага элек укыткан, хәзерге вакытта лаеклы ялда булган укытучылар, кунаклар чакырылган иде. 

Соңгы чыңнар, соңгы моңнар инде 
Хәбәр итә еллар агышын. 
Акрын-акрын җилләр ерагайта 
Кыңгырауның соңгы тавышын. 

Соңгы звонок, чакырасың бүген 
Һәммәбезне олы юлларга. 
Изге йортым белән саубуллашып, 
Аңа соңгы сәлам юлларга… 

Хуш, балачак, сау бул, укытучым — 
Белемемнең якты учагы! 
Минем алда — тормыш киңлекләре, 
Хыялыма ачам кочагым!

          25 нче май көнне барлык гомуми белем бирү йортларында чыгарылыш сыйныф укучылары өчен соңгы кыңгырау чыңлаячак. Безнең мәктәптә бу тантаналы чара 9. 00 сәгатьтә башлана. Бәйрәмгә рәхим итегез! 

          Уку елы тәмамлана ... “Чебешләрне көзен саныйлар”, дисәләр дә, мәгариф системасында эшкә нәтиҗәне яз көне ясыйлар. 2016 – 2017 нче уку елын йомгакларга да санаулы гына көннәр калып бара. 1 һәм 9 нчы сыйныф укучылары өчен 25 нче май – соңгы уку көнне, ә 2 – 8 нче сыйныфлар 31 нче майда уку елына нокта куячаклар. Бу көннәрдә мәктәбебез укучылары һәм укытучылары өчен кызу эш бара. 9 нчы сыйныфлар ТДИ га әзерләнәләр. Калган укучылар күчеш контроль эшләре эшлиләр, зачётлар тапшыралар. Бакчада орлык чәчү, җир әзерләү, җыештыру һ. б. эшләр башкарыла.  

          Наследники  детской организации приняли участие в итоговом сборе наследников ДОО, который прошёл в ЦВР с. Шугурово. 

          Поздравляем всех с Днём пионерии!

Пионер, товарищ бравый, настал

Сегодня день твой славный!

В глазах твоих горят пусть звёзды,

Звучит в душе пусть вечно “Зорька”,

Быть лучшим мы тебе желаем,

Пусть будет дух неубиваем,

Быть вечно молодым и шустрым,

Чтобы жилось тебе нескучно!