Мәктәбебезнең 10 нчы сыйныфында белем алучы асыл егетебез — Бәшәров Ислам 13 нче февраль көнне якын тирә авылларда яшәүче 5 егет катнашында үткән «Татар егете- 2022» сайлап алу бәйгесендә уңышлы катнашып, финалга үткән иде. Ә инде 23 нче февраль көнне Ислам Кукмара районы мәдәният йортында район күләмендә уздырылган «Татар егете — 2022» бәйгесенең йомгаклау турында катнашты һәм «Иң уңган егет» номинациясендә җиңү яулады! Чыннан да, Ислам — мәктәбебезнең иң уңган, иң булган егетләренең берсе! Ул укуда да, спортта да сынатмый, иҗади һәм интеллектуаль бәйгеләрдә дә еш катнаша һәм  призлы урыннарга ия була. Исламны һәм аны әлеге бәйгегә әзерләгән барлык катнашучыларны чын күңелдән әлеге зур уңышлары белән котлыйбыз! Афәрин! Киләчәктә дә яңа җиңүләр телибез!

Мәктәбебезнең 6 нчы сыйныф укучылары арасында бүген ТНВ каналында оештырылып килүче «Тамчы-шоу» дип исемләнгән интеллектуаль  уенда катнашучыларны сайлап алу максатыннан «Интеллектуаль чемпионат» үткәрелде. Чара барышында укучыларга төрле өлкәгә кагылышлы булган сорауларга җавап бирергә туры килде. Нәтиҗәдә укучылар арасыннан иң күп балл туплаган өч катнашучы билгеләнде. Алар март аенда уздырылачак тапшыруда мәктәбебез данын яклаячаклар. Зур уңышлар, яхшы әзерлек телибез аларга!

24 февраль көнне мәктәбебездә химия-биология атналыгы кысаларында 8 нче сыйныфларда химия фәненнән "Яшь химик" дип аталган интеллектуаль бәйге үткәрелде. Бәйгедә укучылар химия фәненнән алган белемнәрен күрсәттеләр, көч сынаштылар.

9 нчы сыйныфларда "Бөек Җиңүдә химия фәне һәм галим химикларның роле" дигән темага информацион дәрес үткәрелде. Укучылар Бөек Ватан сугышы елларында галим химикларның эшчәнлеге, химик элементларның хәрби профессияләре белән таныштылар.

Мәктәбебездә химия-биология атналыгы дәвам итә. Атналык кысаларында бүген төрле чаралар оештырылды. Шуларның берсе - 5 нче сыйныфта "Гөмбәләр патшалыгына сәяхәт" темасына үткәрелгән интеллектуаль уен.

В рамках недели биологии в школе для учащихся 6 класса была проведена интеллектуальная игра "Звёздный час" на тему "Птицы".

Хәрби-патриотик тәрбия айлыгы кысаларында һәм якынлашып килүче Ватанны саклаучылар көне уңаеннан мәктәбебезнең башлангыч сыйныфларында укучы малайлар арасында күңелле стартлар оештырылды.

Мәктәбебез укучыларына бүген ГТО значоклары тапшырылды. Афәрин, укучылар!

Мәктәбебезнең 2-7 нче сыйныфларында белем алучы укучыларыбыз 23 нче февраль - Ватанны саклаучылар көненә багышланган рәсем күргәзмәсендә катнаштылар.