Һәр сыйныфта әти-әниләр җыелышы үткәрелде. Әти-әниләр сыйныф җитәкчеләре, фән укытучылары белән якыннан аралашып, уку, тәрбия өлкәсендәге проблемалар турында сөйләштеләр, бергәләп бу проблемаларны чишү юлларын эзләделәр.

10 нчы март көнне Лельвиж урта мәктәбендә "Зилант" спорт мәктәбе тарафыннан 4-7 нче сыйныф укучылары арасында баскетбол буенча ярышлар үткәрелде. Мәктәбебезнең кызлар һәм егетләр командалары ярышларда катнашып яхшы нәтиҗәләргә ирештеләр. Егетләребез 3 нче призлы урынны, ә кызларыбыз 2 нче урынны яуладылар. Егетләргә һәм кызларга һәм аларның җитәкчеләре Афанасьев А.Н. ка зур рәхмәтебезне белдерәбез. Алдагы ярышларда тагын да зур уңышларга ирешүегезне теләп калабыз.

  Бүген мәктәптә кабатланмас балачак иленең иң шәп бәйрәмнәренең берсе Әлифба бәйрәме үткәрелде. Җир йөзендә кем генә булмасын, кайда гына хезмәт итмәсен, ул зул дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына аяк атлавы Әлифбадан, Азбукадан башланган. Димәк, Әлифба китабы озын гомерле, тирән мәгънәле, бәһасез байлык ул.

  1 нче сыйныф укучылары барысы да укырга, язарга, матур итеп сөйләргә, хикәяләр төзергә, шигырьләр сөйләргә өйрәнгән. Ә бүген алар үзләренең осталыкларын бар яктан да күрсәттеләр.  
   Бүгенге Әлифба бәйрәме барыбыз өчен дә зур тантана булды. Әти-әниләр дә балаларының осталыкларына сокланып карадылар.  

  Бәйрәмебез котлы булсын, 1 нче сыйныфлар!!!

Көллиятнең бер төркем укучылары мәктәбебездә булып, бу уку йортында нинди белгечләр әзерләгәннәрен, уку шартлары, укучыларның буш вакытларын файдалы һәм кызыклы үткәрүләрен сүз белән җыр-биюләрне бергә бәйләп чыгарылыш сыйныф укучыларына җиткерделәр.

7 март көнне Олыяз авылында "Вахит", "Восток", "Урал" һәм Мамадыш районы командалары катнашында 12 нче тапкыр кышкы спартакиада үткәрелде. Афанасьев А.Н. житәкчелегендәге мәктәбебез укучылары командасы ярышларда катнашып призлы урыннар яулады һәм акчалата бүләкләргә лаек булды. Аеруча теннис, чаңгы ярышы, турникта тартылу ярышларында безнең укучыларга тиңнәр булмады. Укучыларны һәм аларның җитәкчеләрен җиңүләре белән тәбриклибез, киләчәктәдә уңышлар телибез!

5нче март көнне мәктәбебездә 8нче мартка багышланган бәйрәм оештырылды. Бәйрәмдә әниләргә әдәби монтаж һәм концерт номерлары күрсәтелде.Икенче өлештә укучылар белән ярышлар гөрләп узды. Кичә чәй өстәле янында дәвам итте һәм биюләр белән бик күңелле тәмамланды.

4 март көнне мәктәбебездә 8 март - Халыкара хатын-кызлар көненә багышланган зур бәйрәм үткәрелде. Бәйрәмнең беренче өлеше әниләргә багышланган балаларның чыгышларыннан торса, икенче өлеше әниләр һәм кызлар командалары ярышшына гыйбарәт иде. Бәйрәм бик күңелле үтте. Әниләр дә кызлар да үзләренең көчләре тигез икәнен күрсәттеләр. Җылы атмосферада үткән әлеге бәйрәм әниләрнең күңелләрендә якты истәлекләр калдырды.

Ял вакытын ничек үткәрү һәркемнең үзеннән тора. Озын тәнәфесләрнең берсендә 10 сыйныф укучылары” урын алыш уенын” оештырсалар, ә икенче тәнәфестә 4 нчеләр “самовар” дип исемләнгән шаян уенны тәкьдим иттеләр.

Уважаемые обучающиеся 9 классов и родители! Утверждён расписание ОГЭ - 2016.  

26 мая (четверг) - обществознание, химия, информатика и информационно-коммуникационные технологии (ИКТ), литература;

28 мая (суббота) - иностранные языки (английский, французский, немецкий, испанский);

31 мая (вторник) - математика;

3 июня (пятница) - русский язык;

7 июня (вторник) - иностранные языки (английский, французский, немецкий, испанский);

9 июня (четверг) - география, история, биология, физика;

Приказом МО и Н РФ от 26 января 2016 г. N 35   "ОБ УТВЕРЖДЕНИИ ЕДИНОГО РАСПИСАНИЯ И ПРОДОЛЖИТЕЛЬНОСТИ ПРОВЕДЕНИЯ ОСНОВНОГО ГОСУДАРСТВЕННОГО ЭКЗАМЕНА ПО КАЖДОМУ  УЧЕБНОМУ ПРЕДМЕТУ, ПЕРЕЧНЯ СРЕДСТВ ОБУЧЕНИЯ И ВОСПИТАНИЯ, ИСПОЛЬЗУЕМЫХ ПРИ ЕГО ПРОВЕДЕНИИ В 2016 ГОДУ" подробнее можно ознакомиться на нашем сайте в разделе ОГЭ, ЕГЭ.