24 май көнне 9 сыйныф укучылары өчен соңгы кыңгырау чыңлады.

Әйтерсең лә пар атларда үтте

Кыңгыраулы мәктәп еллары,

Күңелләрдә гомерлеккә калыр

Шушы соңгы моңлы чыңлавы.

Кыңгыраулы, кыңгыраулы,

Кыңгыраулы мәктәп еллары.

16 май көнне 2 сыйныф укытучысы Кадирова Зөһрә Әлифба бәйрәме үткәрде

8 май көнне Күкшел авылында Бөек Җиңүгә багышланган митинг булды. Анда безнең укучылар да катнашты. Алар сугыш ветераннары алдында чыгыш ясадылар: җырладылар, шигырьләр сөйләделәр, биеделәр һәм һәйкәлгә венок куйдылар.

26 апрель көнне Бөек шагыйребез Габдулла Тукайның тууына 127 ел тулу уңаеннан "Язлар безгә Тукай белән килә" дигән кичә булды. Бу кичәдә укучылар Г.Тукайның шигырьләрен сөйләделәр, "Су анасы"н сәхнәләштерделәр, Г.Тукайның иҗатына багышланган кроссвордлар чиштеләр.

19 апрель көнне педагог-организатор Тимергалиева Нүрфия "Нинди һөнәр сайларга?" дип исемләнгән кичә уздырды. Бу кичәдә укучылар төрле һөнәрләр, үзләренең нинди һөнәр сайларга теләүләре турында әңгәмә үткәрделәр. Үзләре дә төрле һөнәр ияләре булып уйнап күрсәттеләр.

Наши ребята заняли I место по мини-футболу в Арске. Молодцы!!!

 12 апрель көнне педагог-организатор Тимергалиева Нүрфия Космонавтика көненә багышланган кичә үткәрде. Ә укучыларыбыз "Кеше - галәмдә" дигән темага рәсемнәр, плакатлар  ясадылар.

6 март көнне 8 март бәйрәменә багышланган кичә булып узды. Анда балалар җырладылар, биеделәр; кызлар арасында бәйге дә булды. Бәйге ахырында хөкемдарлар - егетләребез, аларга бәя бирделәр.

21 февраль көнне Ватанны саклаучылар көне уңаеннан "Ягез әле, егетләр!" дип исемләнгән бәйге уздырылды. Бу бәйгедә егетләр ике командага бүленеп ярыштылар. Бик күңелле булды!