Бүген, 1сентябрь – Белем көне, Белем бәйрәме. Бүген без беренче кыңгырау, туган мәктәп, сыйныфташларыбыз, олы йөрәкле укытучыларыбызны тагын бер кат искә алабыз.Белем бэйрэме – балачак хатирәсе булып һәрберебезнең күңел түрендә саклана торган көн ул. Мәктәбебездә дә бүген бәйрәм бик тантаналы төстә үтте. Авылыбыз җирлеге башлыгы Ильгиз Габделәхәт улы, әти-әниләр дә чакырылган иде. Алар да үз чиратында матур теләкләрен җиткерде. Мәктәбебез директоры Ринат Раян улы үткән уку елына йомгак ясап, киләсе уку елына максатлар, яңалыклар белән таныштырды. Мәктәбебездә алып барылган, алып барылачак ремонт эшләре  турында да искәртте. Шулай ук киләсе уку елында укуга карата мөнәсәбәтне тагын да яхшыртырга, укуны иң беренче планга куярга дигән фикерен җиткерде. Иң матур кеше – белемгә омтылган кеше. Белемдә – бәхет, белемсезгә – дөнья ләхет, ди бит татар халык мәкале дә. Шуңа күрә һәрчак белемле булыйк, белемгә омтылыйк! Быел беренче мәртәбә парта артына утыручылар тырышып укысын, бетмәс-төкәнмәс белем хәзинәләрен ачсын. Кайгыртучан укытучыларыбызга изге эшләрендә уңышлар һәм сабырлык юлдаш булсын.

«Крымская весна»(Конкурс весенних посланий крымским сверстникам)