Кыш җиттеме – кошлар өчен

Без ашханә ачабыз:

Җимлекләр ясап эләбез,

Кошларны ашатабыз.

Килегез, кил, кошкайлар,

Сез бит безнең дускайлар.

Җимлеккә сез куныгыз,

Көн дə кунак булыгыз.

Уртанчылар төркеме балалары тәрбияче  Илсояр Хазиевна белән берлектә кошларга җимлек элделәр.

Бүген  кечкенәләр төркемендә тәрбияче  Рәфидә Рәфәгатовна балаларны су һәм аның үзенчәлекләре белән таныштырды. Нәниләр суда балык, үрдәк уенчыкларын йөздерделәр. Су ага, балык йөзә, үрдәк йөзә  дигән җөмләләр төзергә өйрәнделәр. 

 Бүген кече тәрбияче Нурфия Монировнаның туган көне.. Без аны ихластан  бәйрәме белән тәбриклибез. Сезгә сәламәтлек, зур уңышлар, чиксез бәхетләр телибез.

Котлы булсын бәйрәмегез,

Тыныч булсын күңелегез,

Шатлык сөенечләр белән

Тулы булсын гомерегез!

Гамьле еллар, гамьле көннәр

Телибез чын йөрәктән!

Һич кичекми чынга ашсын

Безнең күркәм теләкләр. 

Гомерең хәзинәсенә

Өстәлде тагын бер ел, 

Моңайма еллар үтә, -дип

Елмай син- бәхетле бул!

Котлы булсын бәйрәмең, 

Тыныч булсын күңелең, 

Шатлык сөенечләр белән

Тулы булсын гомерең!

Гамьле еллар, гамьле көннәр

Телибез чын йөрәктән!

Һич кичекми чынга ашсын

Безнең күркәм теләкләр!

Зурлар төркеме балалары үзләренең кече тәрбияче апалары Нурфия Монировнаны чын күңелдән котлап, изге теләкләрен җиткереп үз кочакларына күмделәр.

Воспитателями 1 младшей группы создана разнообразная игровая среда, где каждый ребёнок занят интересующей его деятельностью. Дети используя все доступные им игровые средства, свободно объединяются и взаимодействуют друг с другом, где обеспечивается  независимый от взрослых мир детства.  Воспитатель выступает в роли играющего партнёра,  который принимает любые детские замыслы, гарантируя свободу и непринуждённость  выбранной  деятельности своих воспитанников.

Бүген  кечкенәләр  төркемендә "яшәгән"  ташбака прогулкага чыкты. Балалар  ташбаканың йөрешен күзәттеләр.

 Балаларыбызның сәламәтлекләрен шәфкать туташы  Исрафилова Ландыш Рамилевна  күзәтеп тора. Менә бүген ул балаларның ничек үскәннәрен тикшерде.

  Су – яшәү чыганагы. Кеше өчен дә, үсемлек, хайваннар, балыклар, кош-кортлар өчен дә, гомумән, бөтен тереклек өчен яшәү чыганагы.  Тәрбияче  Рәфидә Рәфәгатовна  беренче кечкенәләр төркеме балалары белән  су турында әңгәмә алып бара.

 Соңгы елларда республикабызда автотранспорт саны,юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һәлакәтенә юлыгу куркынычы да көчәя. Ә бу исә, үз чиратында, балаларга мәктәпкәчә яшьтән үк юл йөрү куркынычсызлыгы кагыйдәләрен өйрәтү кирәклегенә басым ясый.

    Безне чолгап алган чынбарлык әле яңа гына дөньяга аяк баскан бала алдында үзенең күпкырлылыгы белән килеп баса. Баланың үзенчә фикер йөртүен, аңлау дәрәҗәсен, кемгә яки нәрсәгә дә булса охшатып эшләвен, кичерешләрен исәпкә алып, аны җәмгыять яшәешенә тарту безнең бурыч булып тора.

  Безнең “Шатлык” балалар бакчасында балаларга юл йөрү кагыйдәләре турында белем бирү буенча  күп эш алып барыла. Бакчабыз Зур Кукмара авылының  үзәгенә урнашкан. Бакча яныннан үзәк юл уза. Шуңа күрә балаларны юл йөрү кагыйдәләренә өйрәтү аеруча зарур. Мәктәпкәчә яшьтәге балаларны юлда үзләрен хәвефсез тоту кагыйдәләренә өйрәтү аларның психологик һәм физиологик үзенчәлекләрен исәпкә алып үткәрелә. Балалар бакчасында өйрәтү процессы оешкан белем бирү һәм уен эшчәнлекләрендә алып барыла. Көнкүреш, саф һавада булу, уен вакытында, көндәлек аралашу барышында балалар күп мәгълүмат туплыйлар. Әмма өйрәтү максатыннан, тәрбияче тарафыннан махсус оештырыла торган дидактик уеннар иң үтемле чара.  Дидактик уен балаларны күбрәк җәлеп итә, кызыксынучанлыкларын арттыра. Уен барышында бала үзен шул ситуациягә куеп карый, фикерли, ситуациядән чыгу юлын эзли.