Бүген без үзебезнең өлкәннәребезне кунакка чакырдык. Аларны хөрмәт итеп балаларыбыз концерт куйдылар, театральләштерелгән әкият күрсәттеләр. Өлкәннәребез бик сөенделәр. Соңыннан истәлеккә фотога төштеләр.

Саф һавада уртанчылар төркеме балалары бик тырышып хәрәкәтле уен уйнадылар.

Безнең   кечкенәләр төркемендә тәрбияләнүче балаларыбыз бүген бик тырышып рәсем ясадылар. Алар шарларны тезәр өчен җеп ясадылар. Әфәрин, булдыралар!

Бүген зурлар төркеме балалары рәсем шөгылендә төрле-төрле гөмбәләр ясадылар.

Яшәү чыганагы ул һәр йөрәкнең,

Балаларга көзге байлыкның халыкка шатлык, куаныч китерүен төшендерү, бу байлыкларны тудыручы игенчеләр хезмәтенә карата хөрмәт тәрбияләү; игенченең мактаулы һәм авыр хезмәте, икмәкнең нинди юллар аша табынга килүе турында тасвирлап сөйләргә өйрәтүне дәвам итү; татар халкының хезмәт сөючән халык икәнен, хезмәт сөю һәркемгә хас сыйфат булырга тиеш икәнен аңлату; икмәкнең әһәмиятен аңлату, икмәккә сак караш, хөрмәт тәрбияләү  барыбызның да бурычыбыз. 28 сентябрь көнендә Зур Кукмара авылы мәдәният йортында "Икмәк - яшәү терәге" дигән бәйрәм үткәрелде.   Анда безнең балалар бакчасы балалары белән әңгәмәләр, уеннар, табышмаклар, мәкальләр эйтүләр, шигырь сөйләүләр   оештырылды. Балалар бәйрәм чарасыннан белемнәрен ныгытып кайттылар.

Хөрмәтле әти-әниләр! Сезгә чын күңелебездән безне бәйрәмебез белән котлаганыгыз өчен зур рәхмәтебезне җиткерәбез. Сезгә эшегездә, тормышыгызда зур уңышлар, сәламәтлек, бәхет, шатлык телибез. Балаларыгыз игелекле, шәфкатьле, сау-сәламәт булып үссеннәр. Без дә үз көчебезне кызганмыйча аларны тәрбияләргә булышырбыз. 

Бүген кечкенәләр төркемендә ата-аналар җыелышы булып узды. Анда балалар бакчасына беренче тапкыр килгән балаларның адаптация чоры ничек узуы хакында сүз алып барылды.

Балаларыбыз экскурсияләргә йөрергә бик яраталар. Бүген алар авылыбыздан ерак булмаган тимер юл янына экскурсиягә бардылар. Тәрбиячеләр аларга тимер юлда үзеңне  тоту кагыйдәләрен искә төшерделәр.