Бүген безнең балалар бакчасында Зур Кукмара кусты методик берләшмәсенең утырышы булды. Берләшмәдә Янсыбы, Сазтамак, Байлангар, Зур Кукмара№2, Каенсар  балалар бакчасының тәрбиячеләре һәм Кукмара районы мәктәпкәчә белем бирү учрежденияләренең белгече Файзутдинова Рушания Салимулловна катнашты.  Семинарны куст методик берләшмә җитәкчесе Зур Кукмара балалар бакчасы мөдире Фазылова Гөлфия Равиловна ачып җибәрде. Ул бугенге утырыш  "Мәктәпкәчә яшьтәге балаларда танып белү үсешендә инновацион технологияләр куллану" дигән темасы буенча булачагын һәм утырышның  программасы белән таныштырды.

Нәниләр төркемендә куст тәрбиячеләре өчен сөйләм үсеше белем бирү эшчәнлеге күрсәтелде. Нәниләр бик актив булдылар. Белем бирү эшчәлеген тәрбияче Файзрахманова Рәфидә Рәфәгатовна  үткәрде.

Тәрбияче Хабибрахманова Эльмира  Рауфовна уртанчылар төркемендә эстетик-сәнгать үсеш (рәсем) белем бирү эшчәнлеге күрсәтте. Балаларыбыз бик матур итеп балкый торган кояш ясадылар.

Куст  методик берләшмә утырышы тәҗрибә уртаклашу белән дәвам итте. 1 кечкенәләр төркеме тәрбиячесе Рәфидә Рәфәгатовна эш тәҗрибәсеннән чыгып "Минем балалар белән эшләвемдә уеннар  төп булышчылар" дигән темага чыгыш-презентация тәгъдим итте. Һәр тәрбияче  уз фикерен җиткерде.

Өлкән тәрбияче Нурия Усмановна "Балалар бакчасында интерактив алымнар белән өйрәтү" дигән темага практикум уздырды. Практикум бик мавыктыргыч, күңелле узды. 

Утырышны йомгаклап Гөлфия Равиловна барлык тәрбиячеләргә рәхмәт сүзләре җиткерде. Эшләрендә сабырлык, сәламәтлек һәм уңышлар теләде.

Бүген шулай ук зурлар төркемендә дә бәйрәм булып узды. Анда әти-әни һәм бала бергәләшеп күңел ачтылар. Гаилә бердәм булып уйнады, җырлады, биеде. Әти, әни һәм бала - күңелле узды чара.

Бүген безнең балалар бакчасының уртанчылар төркемендә 8 Март - хатын-кызлар бәйрәме уңаенан бик күңелле чара - бәйрәм иртәсе булды. Бәйрәмгә әбиләр, әниләр,апалар килгән иде. Балаларыбыз аларны котлап шигырь сөйләделәр, җырладылар, биеделәр һәм бергәләшеп уйнадылар. Бәйрәм бик күңелле узды.

Прекрасный день 8е марта,
Когда сверкает все кругом,
И разрешите вас поздравить
С Международным женским днем!
Здоровья, счастья пожелать Вам,
Чтоб не старели никогда,
Чтоб всегда Вы процветали
Во имя счастья и добра.

Бүген Зур Кукмара авылы мәдәният йортында  Бөек Җиңүнен 70 еллыгы уңаеннан район кысаларында уздырылган конкурска багышланган әдәби -музыкаль  кичә узды.  Бу кичәдә безнең балаларыбыз да актив катнаштылар. Сугыш чорында җырланылган җырлардан попурри башкарып тамашачыны шакаттырдылар. Малалайлар белән кызларыбыз матрос бию башкарганда тамашачы алкышларга күмде. Кызларыбыз шигырьләрне сәнгатьле итеп сөйләделәр. Балаларыбызның чыгышы бәйрәмгә тагын да ямь өстәде. Балаларыбызның чыгышын әзерләгән һәм өйрәткән  музыка җитәкчесе Ишкулова Нурия Усмановнага зур рәхмәтебезне җиткерәбез. Без булдырабыз! Уңышлар!

Буген зурлар төркеменә балаларыбызның әтиләре, бабалары, абыйлары кунакка килде. Аларны балалар Ватанны Саклаучылар көне уңаеннан  бәйрәм белән котлап ял итәргә чакырдылар. Бөйрәм чыннан да ял итү кичәсе  булды.  Бәйрәмнең мизгелләрен сайтыбызның  "Медиатека" бүлегеннән кереп карый аласыз.