24 гыйнвар көнне Кошман авыл җирлегенең еллык отчет җыелышы  булып узды. Әлеге җыелышта авыл җирлеге башлыгы Сафина Л.Р.кызы авыл халкы алдында еллык эшләре белән отчет тотты.Шулай ук мәктәбебез директоры Гиниятуллин Ф.Ф. улы мәктәпнең 2018 нче ел эшчәнлеге белән таныштырды,ирешкән уңышларыбызга тукталып китте. 

17 нче гыйнварда мәгърифәтче галим, тарихчы, дин белгече һәм җәмәгать эшлеклесе Ризаэтдин Фәхретдин тууына 160 ел тулды.Шул уңайдан авылыбыз имам хатыйбы Сабиров Ибраһим белән авыл китапханәчесе Сафиуллина Гөлия апа мәктәпкә килеп,укучыларны Р.Фәхретдин иҗаты белән тулырак таныштырдылар.  

Яшь армиячеләр "Ярдәм " операциясенә бик теләп кушылдылар. Өлкәннәребез янына барып йорт территориясенә кергән юлларны кардан чистарттылар.

Мәктәбебездә тимурчылык эше оешкан төстә алып барыла. Тимурчылар өлкәннәребезгә һәрдаим ярдәм итәләр. Кыш көне әби-бабайларызның йорт-тирәләрен кардан чистарталар,сукмаклар ачалар,калган эшләрендә ярдәм итәләр.

13 гыйнварда Россия матбугаты көне билгеләп үтелә. Нәкъ менә бу көнне 1703 елда Петр I указы буенча "Ведомости" газетасының беренче саны дөнья күргән.Безнең мәктәптә "Журналистика" түгәрәге эшләп килә. Әлеге түгәрәккә йөрүче укучыларыбыз төрле темага шигырьләр,хикәяләр,әкиятләр иҗат итәләр. Аларның иҗат җимешләре мәктәбебездә чыга торган "Көмеш каләм" гәзитендә урын ала.Шулай ук районыбызның  "Кайбыч таңнары" гәзитендә дә һәрдаим басыла.

Мәктәбебез укучылары Кайбыч боз сараена барып,тимераякта шуып ,сәламәтлекләрен ныгыту белән беррәттән,рәхәтләнеп ял итеп тә кайттылар.

Кышкы каникул вакытында сыйныф җитәкчеләре укучыларның өйләренә йөриләр.Укучыларның яллары ничек узуы белән кызыксыналар,ата-аналар белән аралашалар.

Укучыларның кышкы каникуллары дәвам итә.Каникул вакытында укучылар,ата-аналары белән бергәлектә ялларын күңелле һәм файдалы оештыралар.Казан шәһәренә экскурсиягә баралар,бергәләшеп чана,чаңгы шуалар,кышкы табигатьнең матурлыгына сокланалар.

Мәктәбебездә кышкы лагерь эшли.9 нчы сыйныф укучылары имтиханнарга әзерләнү белән беррәттән,ялларын күңелле һәм файдалы да оештыралар. Сыйныф җитәкчесе,ата-аналар белән бергәлектә алар Казан шәһәренә экскурсиягә барып рәхәтләнеп ял итеп кайттылар.

Бүген мәктәбебездә чираттагы педагогик киңәшмә узды.Киңәшмәдә "Укучыларда проблемаларны чишә белү компетентлыгын булдыру" темасына доклад укылды,2 нче чирек нәтиҗәләре белән таныштырылды,булган проблемалар,төрлеләр хакында сүз алып барылды.