9 ноябрь көнне Салават күпере спорт сәламәтләндерү сараенда  Конституция көненә багышланган татарча көрәш уздырылды. Бу чарада безнең мәктәп укучылары да катнашты.Әлбәттә,укучыларыбыз көрәш буенча узләрен ныклы тоттылар. Районыбыз мәктәпләре арасында икенче урынны яуладылар. Котлыйбыз егетләр!

9 ноябрьдә  Казан югары танк команда училищесында Татарстан Республикасында "ЮНАРМИЯ" Бөтенроссия хәрби-патриотик иҗтимагый хәрәкәтенең төбәк бүлеге слетын ачу тантанасы булды.Бу слетта безнең укучыбыз да катнашты.

Бөтендөнья татар конгрессы, Татарстан Республикасы Мәдәният, Мәгариф һәм фән министрлыклары белән берлектә, быел беренче тапкыр Халыкара «Җәлил укулары» әдәби бәйгесен үткәрә. 8 -ноябрьдә балалар сәнгать мәктәбендә әлеге бәйгенең район туры узды.  Татар телен, мәдәниятен саклау һәм үстерү, Муса Җәлилнең иҗади мирасын популярлаштыру, бөек шагыйрьнең иҗатына кызыксынуны арттыру, яшь буынны патриотик рухта тәрбияләү, яшь талантларны ачыклау, аларга сәләтләрен күрсәтү өчен мөмкинлекләр тудыру максатыннан үткәрелгән чарада мәктәбебезнең 8 сыйныф укучысы да катнашты. Тырыш кызыбыз 3 урынны яулады.

Бүген мәктәбебездә укытучыларның беренче чирек нәтиҗәләре  буенча педсовет булды. Сыйныф һәм фән укытучылары отчёт бирде. 

Бүген көзге каникулның беренче көне булуга карамастан,9 сыйныф укучылары хаман  парта артында.Эйе, алар бердәм дәүләт имтиханнарыа әзерләнәләр.Математика укытучысы Алия Авхадулловна белән алар вакыт узып киткәнен дә сизмиләр.

26 октябрьдә "Экология, мәдәният, мәгариф "мәктәптән тыш эшләр үзәге" өстәмә белем бирү муниципаль бюджет учреждениесендә "Юнармия" җирле бүлекчәсенең IV слеты үткәрелде. Бу көнне районның 17 отрядыннан, мәктәп этабы олимпиадасында 1, 2, 3 урыннарны яулаган яшь армиячеләр,  Россиянең Хәрби тарихын белү буенча олимпиаданың муниципаль этабында катнаштылар. Олимпиадада катнашучыларның барысына да дипломнар тапшырылды.