"Мин татарча сөйләшәм» акциясе — һәр ел Татарстанда һәм татар дөньясында уза торган популяр акция. Татар теле – дәүләт теле. Укучыларыбыз татар теле дәресләрендә бик тырышып татарча сөйләшәләр, җырлар җырлыйлар, төрле кызыклы уеннарда, күңелле кичәләрдә актив катнашалар. Мәктәбебездә дә “Мин татарча сөйләшәм” акциясе кысаларында кызыклы чаралар үткәрелә. Менә шуларның берничәсе: “Әкиятләр илендә”, “Кызыклы тәнәфес”, Җомак әйтәм, җавап тап”, “Җырлап ачыла телебез”, “Шаян шагыйрь”, “Хәтер чишмәләре”, “Нәүрүзбикә”.Бу чараларның барысы да укучыларның телне, әдәбиятны өйрәнүгә теләген, ихтыяҗын, кызыксынучанлыгын арттыруга көйләнгән.   

   “Мин татарча сөйләшәм” акциясендә 3 нче , 4 нче , 5 нче , 6 нчы сыйныфларның рус төркеме укучылары мәктәптә, кибетләрдә, урамда, китапханәләрдә, транспортта һәм төрле көнкүреш хезмәтләр күрсәтә торган урыннарда әңгәмәләр кордылар. “Син татарча сөйләшәсеңме?” исеме астында аралашу, сораштырулар (интервью алу) ошады. Һәр әңгәмәдәшкә “Мин татарча сөйләшәм” логотибы һәм “Минем татарча беренче 150 сүзем” дигән сүзлек - буклетлар тапшырылды