Бүген  Батыр районы  Шыгырдан авылыннан "Шыгырданым-туган ягым" китабының  авторы Памир Салихов һәм Халидә апалар янә мәктәбебез музеенда кунакта булдылар.Алар публицист язучы Зариф Бәшири иҗаты белән кызыксындылар.

     Мәктәптә  җәйге ялдан соң,балаларны кыш буе витаминлы яшелчәләр белән тәэмин итү максатыннан,теплица тулы көчкә эшли башлады.  Беренче көзге  уңыш укучылар өстәлендә урын алды.

   Бүген мәктәптә 9-11 нче сыйныф укучылары өчен профессия сайларга ярдәм итү максатыннан, Казан мәшгүльлек һәм социаль  яклау бүлеге хезмәткәре Татьяна Александровна укучылар алдында чыгыш ясады, укучыларга анкета тутыртты.

     Табигатебезне саклау  максатыннан мәктәбебез укучылары "Яшел Россия" акциясенә кушылды:  юл буйлары, урман тирәләре чистартылды, мәктәп яны участогы тәртипкә китерелде, агачлар утыртылды. Акциядә иң актив катнашкан укучылар аерым билгеләп үтелде.

       21 нче сентябрь көнне башкалабыз Казанда ярминкә узды. Бу ярминкәдән безнең мәктәп тә читтә калмады. Үзебездә үстерелгән яшелчәләрне, кулдан эшләгән әйберләрне сатып шактый акча туплап кайттык.

  Кичә мәктәбебезнең барлык укучылары көзге кросста катнашты. "Милләтләр кроссы" ында укучылар гына түгел, ата - аналар да күп иде. Призлы урыннарны алучылар грамоталар белән бүләкләнде.

      Бүген мәктәпнең уку-укыту эшләре буенча директор урынбасары Серебрякова Л.Т. 11 нче сыйныф укучылары белән очрашты. Любовь Тимофеевна укучыларга  БДИга бүгеннән үк әзерләнә башларга кирәклеге турында аңлатты,үзенең төпле киңәшләрен бирде.

         Мәктәбебездә күп кенә түгәрәкләр эшләп килә.Укучылар бу түгәрәкләргә бик теләп йөриләр. Өлкән сыйныф укучылары гуманитар һәм математик түгәрәкләргә теләп йөрсәләр,башлангыч сыйныф  укучылары "Оста куллар" түгәрәген үз итәләр.