24 декабрьдә мәктәбебезнең актлар залында Зәки Нуриның 90 еллыгына багышланган “Матурлык һәм  батырлык җырчысы” дип исемләнгән район күләмендәге әдәби-музыкаль кичә үткәрелде. Кичә, татар теле һәм әдәбияты укытучысы М.А.Таҗетдинова төзегән сценарий нигезендә, күренекле якташыбызның тормыш юлына тулы күзәтү һәм иҗатына эзлекле анализ ясау рәвешендә шигырьләрен сөйләү, җырларын җырлау (әдипнең күп кенә шигырьләренә композиторлар һәм үзешчән якташларыбыз тарафыннан көйләр язылган), мәзәкләрен сәхнәләштерү, аудиотасмадан әдипнең үзе сөйләгән шигырен тыңлау белән үрелеп барды. Биредә укучылар, укытучылар һәм районыбыздагы Зәки Нури премиясе лауреатлары катнашты, күп кенә кунаклар чакырылды.  Район башлыгы Т.Д.Нагуманов тарафыннан 2011 елгы лауреатлар бүләкләнде. Әдәби-музыкаль кичәне 7а сыйныфы укучылары Динара Хафизова һәм Адел Загреев югары осталык белән алып барды.