21 нче февраль - Халыкара Туган тел көне. Бу көн 2000 нче елдан башлап ЮНЕСКО карары нигезендә билгеләп үтелә башлады. Татар теле –ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор.
         Туган тел.... Һәркем өчен дә газиз сүз бу. Чөнки иң кадерле, бернәрсә белән дә алыштырылмый торган “әни”, “әти”,”әби”, “бабай” сүзләрен башлап туган телдә әйтәбез. Туган үскән ил-җирнең якынлыгын, Ватанның газизлеген без туган тел ярдәмендә тойганбыз. Шул уңайдан укучыларда  интеллектуаль уеннар, төрле кызыклы күнегүләр ярдәмендә туган телгә, татар теленә, әдәбиятны тирәнтен өйрәнүгә кызыксыну уяту; белемнәрен тирәнәйтү , иҗади сәләтләрен үстерү; милли үзаң, милли горурлык хисләре тәрбияләү, халкыбызның бай, рухи мирасын барлауга ихтыяҗ тудыру максатыннан безнең мәктәптә “Газиз туган телем” дигән викторина үткәрелде. Викторина барышында укучылар күп төрле сорауларга җаваплар биреп, үзләренең белемнәрен арттырдылар, тапкырлыкта – зирәклектә көч сынаштылар. Викторина нәтиҗәләре буенча “Матурлар” командасы  “Батырлар”ны бары 1 очко белән генә артта калдырып җиңү яулады.
Напоминаем, что мы участвуем в Проектах ПФО: Олимпиада "IQ ПФО", Фестиваль " ВЕРНУТЬ ДЕТСТВО", проект ПФО "Герои Отечества", "Гвардеец" ПФО!