Бүген рус язучысы А.С.Пушкинның туган көне уңаеннан рус теле көне билгеләп үтелде. Балалар көн дәвамында  рус телендә аралаштылар. Язучының әкиятләрен тыңладылар. Пушкин әсәрләре буенча презентация дә күрсәтелде. Бигрәк тә "Балыкчы һәм алтын балык  турындагы әкият" ошады балаларга.

Балаларны яклау көне уңаеннан бакчабызда кече Сабантуй оештырылды. Балалар ярыштылар, төрле милли уеннар уйнадылар. Ахырда татар халык ризыклары белән чәй эчтек.

Әйләнә -тирәне өйрәнү максатыннан балалар белән тузганак чәчәкләрен күзәтү оештырдык. Аның матур да, файдалы да дару үләне икәне аңлатылды.

Балалар белән алган белемнәрне ныгыту максатыннан мәйданыбыздагы кече урманга агач һәм куакларны күзәтергә чыктык. Алар анда чәчәк атучы чия, миләш, гөлҗимеш агачларын, кара һәм кызыл карлыган  куакларын күзәтеп танырга өйрәнделәр.

Бүген бакчабызда балалар белән Бөек Җиңү бәйрәмен билгеләп үттек. Шигырьләр, җырлар өйрәндек. Сугыш турында презентация дә күрсәтелде. Бәйрәмнең дәвамы батырлар һәйкәле янына барып үзләре алып килгән чәчәкләрне кую булды. Шунда ук тыл ветераннарына куелган һәйкәл дә тора. Балалар аның турында да мәгълүмат ишеттеләр.

Сегодня в детском саду состоялся очередной средник по уборке территории

Бүген бакчабызда чираттагы чәршәмбе өмәсе булды

Бүген бакчабызда Г.Тукай туган көнен билгеләп үттек. Балалар шагыйрьнең шигырьләрен, әкиятләрен һәм аның сүзләренә язылган җырларын өйрәнеп сөйләделәр. Тормыш юлы турында презентация дә карадылар.

Һәр елны Г.Тукай туган көнендә без балалар белән һәйкәл янына чәчәкләр куярга барабыз. Быел да балалар чәчәкләр алып килделәр. Һәйкәл янында алар өйрәнгән шигырләрен сөйләп  чәчәкләрен куйдылар.

Апрель аенда әти - әниләр арасында Г.Тукай иҗатына багышланган рәсем конкурсы игълан иткән идек. Барлык әти - әниләр дә диярлек конкурска катнашты. Матур - матур рәсемнәр ясап килделәр. Без аларга чын күңелебездән рәхмәтебезне белдерәбез һәм киләчәктә дә исәнлек - саулык, зур уңышлар теләп калабыз.