6 март көнне безнең бакчада иң күңелле бәйрәмнәрнең берсе - 8 март - әниләр, апалар, әбиләр көне булып узды. Бәйрәм тантаналы рәвештә шигырьләр һәм җырлар белән башланып китте. Бик күп әниләребезнең  иң якын кешеләре инде якты дөньяда күптән юк, аларның күзләрендә яшь бөртекләре күреп, әниләрнең исән чакта кадерләрен белик, дип, антлар иттек без балалар белән.  Бәйрәмнең икенче өлешендә әниләребезне уңганлыкта, өлгерлектә сынадык, шулай ук иҗади сәләтләрен дә тикшердек. Күңелләрне актарып салырлык итеп әнигә атап хатлар язылды, җырлар җырланды бу бәйрәмдә. Яз хатын - кызны яшәртә, җилкендерә. Ике әбиебезнең - Вәлиева Фәния һәм Исмагилова Гөлсирәнең ут чәчеп биюләре күпләрне сокландырды. Билгеле инде, бәйрәм бүләксез генә узмый. Әниләрне бик матур курчаклар тегеп килгәннәре өчен төрле номинацияләрдә Дипломнар белән һәм истәлекле бүләкләр белән сөендердек. Бәйрәмнән барыбыз да күтәренке күңел белән таралыштык.