“Нәүрүз” – яңа көн дигән сүз. Икенче төрле әйткәндә, ул - Яна елны каршылау бәйрәме. Аны 21-22 мартта көн белән төн озынлыгы тигезләшкән вакытта үткәрәләр. Элек нәүрүз көннәрендә балалар “нәүрүз әйтеп”, бәхет, уңыш теләп йөргәннәр.

      Без дә бу бәйрәмне һәр елны үткәрәбез.Укучылар тарафыннан оештырылган музыкаль тамаша барлык укучыларның да, укытучыларның да, килгән кунакларның да күңеленә хуш килде.  Әлеге чара милли йолаларны онытмаска, кешеләрнең бер-берсенә ихтирамын, хөрмәтен чагылдырырга ярдәм итә.Нәүрүзбикә һәм Кыш бабай да очрашып көч сынашып алдылар. Нәүрүзбикәбез әлеге ярышларда үзенең булдыклылыгы, җитезлеге, яшьлеге белән җиңеп чыкты. Кыш бабай акрынлап салкын якларга китәргә җыена башларга сүз бирде. Бәйрәм  коймак, кайнар чәй белән дәвам итте.