23 нче апрель көнне мәктәбебезнең 9 нчы сыйныф укучылары Чирмешән аграр техникумында булдылар. Экскурсия укучыларны хезмәт базарында кирәкле һөнәрләр белән таныштыру һәм аларга булачак белгечлекне аңлы рәвештә сайлау мөмкинлеге бирү максатыннан оештырылды. Визит барышында балалар техникум тарихы, аның традицияләре һәм казанышлары белән таныштылар. Укытучылар һәм студентлар алар өчен мавыктыргыч мастер-класслар үткәрделәр, анда укучылар үзләрен пешекче һәм кондитер ролендә хис итә алдылар. Укыту барышында кулланыла торган заманча җиһазларны күрсәтү аеруча кызыксыну уятты. Шулай ук техникумда А, В, С категорияле транспорт чараларын йөртү хокукын алырга мөмкин. Моннан тыш, техникум директоры укырга керү шартлары, уку программалары һәм укуны тәмамлаганнан соң эшкә урнашу перспективалары турында сөйләде. Ул ассызыклаганча, техникумны тәмамлаучыларга эш бирүчеләр арасында ихтыяҗ зур һәм алар рестораннарда, кафеларда, кибетләрдә, авыл хуҗалыгында эш таба алалар.