Балаларны көлү көне белән таныштыру, кызыклы уеннар уйнарга теләк тудыру,көлеп яшәүнең бик әһәмиятле булуын аңлату максатыннан балалар бакчасы тәрбиячесе Әлфинә Фазыл кызы кызыклы уен-тамаша уздырды. 

Чирмешән муниципаль районы кысаларында үткәрелгән, Идел буе халыкларының милли киемнәрендә курчакларны иң яхшы эшләү бәйгесендә катнашып, тәрбияче Гафурова Әлфинә Фазыл кызы "Иң яхшы башкорт костюмы" номинациясендә җиңү яулады.

Халкыбызның гасырлар буена тупланып килгән рухи мирасын балаларга җиткерү, милли традицияләргә мәхәббәт тәрбияләү максатыннан бакчабызда "Хуш киләсең, Нәүрүз!" дип исемләнгән чара үткәрелде. Кунак булып килгән Нәүрүзбикәгә балалар үзләренеэ сәләтләрен күрсәттеләр, әйлән-бәйлән уйнадылар, учакта пешкән пылау белән сыйландылар. Нәүрүзбикә дә балаларга үзенең күчтәнәчләрен тапшырды.

Ана назы- җирдә ул мәңгелек, 

Мәңгелек җыр - бишек җырыгыз.

Без узасы юлда маяк булып

Гомер буе балкып торыгыз.

Бакчабызда Ватанны саклаучылар көненә багышланган бәйрәм иртәсе үткәрелде. Балалар  әтиләрен, абыйларын, бабаларын котлап үзләренең хөнәрләрен күрсәттеләр. Үз куллары белән ясаган бүләкләрен тапшырдылар.

Балаларның юл йөрү кагыйдәләре турында белемнәрен ныгыту, аларны бозмыйча үтәргә кирәклеген аңлату максатыннан бакчабызда "Юл иминлеге иленә сәяхәт" дип исемләнгән чара үткәрелде. Бу чарада әти-әниләр дә бик теләп катнаштылар. Бергәләшеп уен-конкурсларда көч сынаштылар, табышмакларга җаваплар эзләделәр, юлда үзләрен ничек тоту кагыйдәләрен кабатладылар. Бәйрәм шигырьләр, җырлар һәм биюләр белән дәвам итте.

Буген безнең бакчабызга кунак булып башлангыч класс укучылары килде. Тәрбияче Әлфинә Фазыл кызы зурлар төркеме балаларын һәм укучыларны, төрле буяулар кулланып, төсле кәгазьләрдән китап арасына куя торган кыстыргыч ясарга өйрәтте. Эш тәмамлангач,  балалар үзләренең кул эшләрен бер-берсенә бүләк итештеләр. 

Уважаемые родители!

С 1 января 2019 года повышается размер родительской платы за присмотр и уход за воспитанниками на 4,3%. Величина родителськой платы за одного ребенка будет составлят 2848 рублей, многодетные семьи будут платить 50% данной суммы. 

5 декабрь көнне Югары Кәминкә авылында булып узган "Созвездие-Йолдызлык" фестивал​енең 1 турында чыгыш ясадык. Лаптева Яна "Коферанс" номинациясендә 2 турга узды.