муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 38 |
| У нас учат: | 9 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 271 ( 272 ) 273 274 275 276 277 278 279 280 >>
-
"Лингвистенок" диеп исемләнгән инглиз телен яхшы булүчеләр арасында үткәрелә торган район олимпиадасының куст турында 5 нче сыйныф укучысы Галиуллина Гөлназ һәм 6 нчы сыйныф укучысы Әхәтова Энҗе уңышлы чыгыш ясадылар. Энҗе 2 нче урынны яуласа, Гөлназ 3 нче урын өчен грамота белән бүләкләнде. Укучыларга киләчәктә дә югарырак үрләрне яулауларын теләп калабыз! 30.04.2015
-
Бүген 4 нче сыйныф укучылары татар теле фәне буенча республикакүләм мониторинглаштыруында катнаштылар. Укучылар сынатмадылар: үзләренең ныклы белемнәрен күрсәтергә тырыштылар. Нәтиҗәләре дә яхшы булыр, диеп ышанып калабыз. 29.04.2015
-
27 апрельдә башлангыч сыйныф укучылары өчен Г. Тукайның туган көне уңаеннан Шигырь бәйрәме үткәрелде. Укучылар бик матур чыгыш ясадылар. Авыл мәдәният йортының сәнгать җитәкчесе Хасанова Р.Г. һәм авыл китапханәсе мөдире 28.04.2015
-
Мәктәпнең тәрбия планы нигезендә 20 апрельдән 27 апрельгә чаклы Язгы Изгелек атнасы дәвам итте. Аның кысасында Изгелек көне, Дуслык сәгате, Дус һәм тату гаилә, Ярдәм кулы сузабыз, Хәтерлибез һәм горурланабыз, Һәйкәлләргә юл дигән рубрикалар буенча эшчәнлек оештырылды. 5-9 сыйныф волонтёрлары мәктәптә эшләп киткән барлык хезмәт ветераннарында һәм исән булган сугыш каһарманнарының өйләрендә булдылар, тасмалар тараттылар. Барлык чаралар да якынлашып килүче Бөек Җиңүнең 70 еллыгы белән бәйләп алып барылды. Атналык линейкада Язгы Изгелек декадасы кысасында башкарылган эшләргә йомгак ясалды, иң актив сыйныфлар һәм укучылар барланды. Бүгенге көндә уку йорты барлык сугыш һәм хезмәт ветераннары өчен укучылар белән очрашуга әзерләнә, чара тантаналы рәвештә 30 апрель көнне узачак! Ярдәм күрсәтү һәм булышу эшчәнлеге сыйныфларда ел дәвамында өзлексез дәвам итәчәк! 28.04.2015
-
Мәктәптә атналык билгеләре әллә кайдан күренеп тора. Һәр яңа рәсем, һәр әңгәмә шул темага багышлана. 5 сыйныфлар мәктәптә беренчеләрдән булып Георгий тасмалары тагып йөри башладылар. Бу матур үрнәкне башка сыйныфлар да бик җылы кабул иттеләр. Бергәләп бәйрәмне лаеклы каршы алыйк, дуслар! 28.04.2015
-
Язгы Изгелек атнасы дәвамында һәрбер сыйныф эшләнгән эшләр буенча фотоотчёт әзерләп барды. Ул фотографияләрдә эшчәнлекнең төрле мизгелләре чагыла. 6 сыйныфлар үзләренең “Миһербанлы кеше нинди була? “ дигән сыйныф сәгатендә кешеләргә ярдәм итү турында сүз алып бардылар.Ярдәм кулын сузарга һәрвакыт әзер булыйк! 28.04.2015
-
Башлангыч сыйныф укучылары да атналыкта актив катнашты: төрле әңгәмәләр, яңа очрашулар, китаплар уку , рәсемнәр ясау аларның эшчәнлекләренең бер өлеше. 2,3 сыйныфлар бу атналык дәвамында төрле проектлар эшләде, алардан күргәзмә әзерләделәр. Сыйныф җитәкчеләре аларның иҗади эшләреннән матур слайдлар ясап , сыйныф портфолиосы булдырды. 28.04.2015
-
Бөек Җиңүнең 70 еллыгына санаулы гына көннәр калып бара. Йөрәкләрдә көннән – көн горурлык хисе арта, Җиңү бүләк иткән сугыш ветераннарына рәхмәт хисләре ургылып чыга. Олы бәйрәм алдыннан патриотик тәрбия эшчәнлеге тагын да активлашты. Укучыларга шул уңайдан “Мин Җиңүне ничек күрәм” дип исемләнгән рәсемнәр бәйгесе тәкъдим ителде. Бу бәйгедә 1-4 , 5-9 сыйныф укучылары катнашты. Башлангыч сыйныфлар арасында иң матур рәсем иясе булып Вәлиева Алсу, Хәйруллин Илмаз, Әхмәдуллина Чулпан, Вәлиева Зилә, Гафиятуллина Сылу, Камалова Зиләләр табылды. Зур сыйныф укучылары арасында иң матур рәсем авторлары булып әлегә 9 сыйныфтан Асадуллина Энҗе, Вәлиуллина Рания, Гарипов Рәдифләр тора. Һәр укучының иҗат эше күргәзмәдә үз урынын алды. 28.04.2015
-
Язгы Изгелек атнасы әле дәвам итә. Мәктәптә бу юнәлештә соңгы көннәрдә бер – береңә игелекле, йомшак сүзләр әйтүгә өндәгән чаралар булып сыйныф сәгатьләре уза. Шулай ук Изге сүзләр акциясе дәвам итә. 8 сыйныф укучылары шушы көннәрдә мәктәптә эшләп чыккан барлык өлкәннәрнең өйләрендә булдылар: котлау открыткалары һәм бәйрәм тасмалары тараттылар. Аларның бу адымы һәр ветеранның йөрәгендә кояш нуры кебек балкыды, авыруларны оныттырды, тәнгә сихәт өстәде. Өлкәннәр алар белән рәхәтләнеп хатирәләрен уртаклаштылар, истәлеккә фотога төштеләр. Сибәләп торган вак яңгыр да, салкынча искән җилдә ике буын арсындагы җылылыкны суыта алмады, очрашуга киртә тора алмады. Олы рәхмәт хисләрен һәр ветеран укучылар аша мәктәп администрациясенә, коллективка җиткерделәр. 24.04.2015
-
Тиздән сагынып, дулкынланып көткән Бөек Җиңү бәйрәме җитәчәк. Аның алдыннан уздырылган Язгы Изгелек атнасы кысасында “Һәйкәлләргә юл” дип исемләнгән акция старт алды. Авылыбызның уртасында батыр авылдашларыбыз хөрмәтенә күптән куелган һәйкәл җил - яңгырдан таушалып, искереп беткән иде. Шушы көннәрдә Җиңү бәйрәме алдыннан аңа тулысынча реконструкция уздырыла. Яңа баштан нигезе, диварлары, барлык элементлары яңартылды.Буяу тимәгән бер урын да калмады. Сугыш кырларында һәлак булган һәрбер авылдашыбызның исеме алтын хәрефләр белән яңадан язылды. Бүгенге көннәрдә һәйкәлебез танымаслык булып үзгәрде.Укучылар аның тирә- юнен чистартып, чәчәкләр утыртып , Җиңү көнендә иң матур булуын бик көтәләр. Чөнки аның янында иң тантаналы вакыйга- 70 еллыкка багышланган олы бәйрәм булачак! 24.04.2015
