Сабантуй бәйрәме − татар халкының иң олы бәйрәмнәренең берсе. Ул − хезмәт һәм дуслык бәйрәме.
Бу көнне матур итеп бизәлгән мәйданга бәйрәмчә киенгән халык җыела. Мәйдан уртасында батырлар көч сынаша. Җиңүчеләрне тәкә һәм кыйммәтле бүләкләр көтә.

Безнең мәктәп укытучылары да һәр елны бәйрәмдә төрле тәмле ризыклар белән кунакларны сыйлыйлар.

 Мәктәп яны тәҗрибә участогында кызу эш бара. Хәзерге вакытта тәҗрибә участогында сыйныф җитәкчеләре белән берлектә укучылар эшли. Алар яшелчәләргә су сибәләр, тутәлләрне йомшарталар һәм чүптән арындыралар.

1 нче июнь – Балаларны халыкара яклау көне

Балаларны халыкара яклау көне – ул, беренче чиратта, өлкәннәргә балаларның яшәү хокукын, фикерләү, дин тоту һәм белем алу, ял итү иреген тәэмин итүнең, аларны физик һәм психологик көч кулланудан саклауның, балалар хезмәтен тыюның гуманлы һәм гадел җәмгыять төзүдә мөһим шартлар икәнлеген искә төшерүче көн. Жир йөзендә яшәүче барлык милләт вәкилләрен бүгенге бәйрәм көне белән котлыйбыз! Күк йөзебез аяз, балаларыбыз бәхетле. киләчәк тормышыбыз якты булсын!

"Наркотикларсыз тормыш" айлыгы кысаларында тәрбия сәгатьләре үткәрелде. Укучыларда сәламәт яшәү рәвеше, наркотикларга тискәре караш тәрбияләү максатыннан чыгып, 8 нче сыйныфта  "Замана афәтеннән саклыйк" дигән тема астында үткән дәрес кызыклы һәм нәтиҗәле булды. Җитәкчеләре Залялова Р.М.

Бердәм ГТО Декадасы кысаларында Җиңүнең 70 еллыгына багышланган чаралар дәвам итә. Бүген  Янтуган урта мәктәбе кустына кергән мәктәпләр арасында Мини футбол ярышы  үтте. Әлеге ярыш беренчедән, Бөек Җиңүнең 70 еллыгына багышланса, икенчедән кустагы иң көчле командаларны, уенчыларны ачыклады. Өченчедән, укучыларны сәламәт яшәү рәвешенә тарту, аларның буш вакытын файдалы үткәрү өчен оештырылды. Уен җиңүчеләрсез һәм җиңелүчеләрсез булмый. Нәтиҗәләр буенча:

Янтуган мәктәбе командасы - 1 урын;

Кырык Садак мәктәбе командасы - 2 урын;

Камброд мәктәбе командасы - 3 урын яулады. Котлыйбыз!

Тракторист, агроном хезмәте белән таныштыру, аңа мәхәббәт тәрбияләү максатыннан чыгып укучыларга авыл МТСына экскурсия оештырылды. Җитәкчеләре Валеева Г.А., Фаткуллина Р.М.

Укучыларның экскурсияләре дәвам итә. Бүген алар болында. Бала кечкенәдән үк үзенең туган җирен, аның челтерәп аккан чишмәләрен, чәчәкле болыннарын яратып үсәргә тиеш.

Бүген 9 нчы сыйныф укучылары математикадан ОГЭ тапшыра. Уңышлар сезгә.

25 нче майдан 19 июньгә кадәр Республика буенча "Тәмәке тартуга каршы" айлык башланды.Айлык  кысаларында мәктәптә төрле чаралар үтә. 6 нчы сыйныфта "Тәмәке белән бергә тартучы да яна" дигән тема астында диспут үткәрелде. Укучылар төрле мисаллар өстендә никотинның сәламәтлеккә тискәре йогынты ясавын аңлатты. Җитәкчесе Фахрутдинова Л.К.