Бәйрәм уңаеннан башлангыч сыйныф укучылары авылыбызның бердән-бер сугыш ветераны Заббаров Солтан бабайны котларга бардылар. Укучылар уз куллары белән ясаган бәйрәм открыткасы, өчпочмаклы солдат хатында язылган котлау сүзләрен бүләк иттеләр, шигырләр сөйләделәр.

Мәктәптә башлангыч сыйныфлар атналыгы башланып китте. Бүген укучылар ике командага бүленеп "Тамчы шоу" уены уйнадылар. Уенда  "Дуслык" һәм "Ялкыннар" командасы катнашты.

Җиңүнең 73 еллыгына багышланган тәрбия сәгатьләре дәвам итә. Һәр сыйныф Бөек Ватан сугышы тарихы, анда катнашучы авылдашларыбыны искә алалар. Аларның батырлыклары турында презентация әзерләнәләр.

Көн саен үзенең хезмәте белән Ватанын һәм гаиләсен чәчәк аттыручы бөтен халык бәйрәме. Өлкән буын өчен 1 Май элеккечә пролетар бердәмлекне гәүдәләндерә, ә яшьләр өчен –табигать һәм кешелек көчен тудырган язгы чәчәк ату чоры.

1 Май бәйрәме беренче тапкыр 1890 елда Варшавада, ә 1891 елда Санкт-Петербургта бәйрәм ителә.

Бәйрәм тарих төсмерен саклап калып, бүген дә бөтен кешелек дөньясы өчен элеккеге кебек үк хезмәт ияләре бәйрәме, хезмәт, тынычлык, үзара татулык бәйрәме булып кала. Ни генә булмасын, 1 май чын-чынлап яз килүен белдерә. Нәкъ менә бу айда алмагачлар, шомыртлар ап-ак чәчкәгә күмелә. Бар җиһан гүя әкияти дөньяны хәтерләтә.

Барыгызны да яшел чирәмнәре шытып чыккан, каеннары яфрак ярган яз бәйрәме белән котлыйбыз. Яз сулышы күңелегезгә нур өстәсен. Бәхет кояшы көннән-көн яктыра барсын, йөрәгегез хискә тулсын, һәрвакыт яшь булсын. Гомерегез дә яз көне кебек якты, кояшлы, аяз күкле, нурлы булсын.